Qostanai oblysy Jitiqara qalasynda órtten kóz jumǵan bes balnyń anasy 5-10 jylǵa deiin bas bostandyǵynan aiyrylýy múmkin, dep habarlaidy Dalanews.kz.
Bul týraly Qostanai oblysynyń prokýratýrasy Buzyq telegram arnasyna málimdegen. Qazirgi tańda qylmystyq kodekstiń “Abaisyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý” baby boiynsha sotqa deiingi tergeý jumystary bastaldy.
“Mundai jaǵdaida tek bas bostandyǵynan aiyrý jazasy qarastyrylǵan, basqasha jaza taǵaiyndalmaidy”, - deidi arna málimdegen habarlamada.
Eske salaiyq, 11 qazanǵa qaraǵan túni Qostanai oblysynda jeke úiden órt shyǵyp, kámeletke tolmaǵan bes bala qaza tapty. Balalar úide jalǵyz qalǵan. Altynshy bala aman qalǵan.
"Nasha gazeta" málimetinshe, qaiǵyly oqiǵa saǵat 04.29-da bolǵan.
"Qutqarýshylar 7 minýttyń ishinde kelgen. Alaida úi tutas órtenip ketken", - deidi jergilikti ákimdik ókilderi.
Órt saǵat 06.08-de tolyq sóndirilgen.
Úide 2011, 2016, 2018, 2019, 2022, 2023 jyly týǵan balalar bolǵan. Aralarynda tek 2011 jyly týǵan bala aman qalǵan.
"Aldyn ala boljam boiynsha, olardyń anasy keshki ýaqytta tanysyna ketken. Kúieýi bas bostandyǵynan aiyrylǵan. Órttiń qaidan shyqqany anyqtalyp jatyr", - delingen habarlamada.
