Qostanaidaǵy oqýshy qyz kisi qolynan qaza tapty
13 jyl buryn aǵasy jubaiyn óltirgeni úshin sottalyp, qaryndasy olardyń qyzy – Oksanany óz qamqorlyǵyna alǵan. Eki jyl buryn Oksananyń ákesi bostandyqqa shyqqan.
– Otbasy burynǵydai Denisovkada turdy. Oksana 1 jas 8 ailyq bolǵan kezinde ákesiniń qaryndasy qamqorlyqqa alǵan. Odan keiin olar Qostanaiǵa kóship, jaqsy úide turdy. Oqýshy qyz súikimdi, aqjarqyn minezdi edi. Ol regbi sportymen shuǵyldandy. Bolǵan jaidy estigen mekteptegiler eseńgirep qaldy, – deidi №11 orta mektebiniń direktory Gúlmira Iliiasova.
Oksananyń tanystary men dostary onyń 17 naýryzda jattyǵýda bolyp, keshke úige kelgenin aitady.
«Ol saǵat túngi onnan kete VKontakte áleýmettik jelisindegi topqa úide áldebir janjal, aiqai-shý shyqqanyn jazdy. Bolǵan jaidy keiin aitatyn shyǵar dep oiladyq. Odan keiin ol iz-tússiz ketip, keiinirek óli kúiinde tabyldy», – deidi onyń synyptastary.
Taǵy bir nusqa boiynsha, Oksananyń ápkesi úiden shyǵyp ketken. Úige qaityp kelgende Oksananyń denesi kóptegen jerden jaraqattanyp, baqilyq bolyp ketkenin kórgen. Dostarynyń aitýynsha, politsiia qyzmetkerleri qazir eki adamnan kúdiktenýde: onyń biri – amnistiia boiynsha ýaqytynan buryn bostandyqqa shyqqan Oksananyń ákesi, ekinshisi – qamqorlyqqa alǵan ápkesiniń joldasy, iaǵni Oksananyń ógei ákesi.
Qostanai oblystyq IID adam ólimi bolǵanyn rastaidy, biraq anyq-qanyǵyn ázirge jariialaǵan joq.
