Qostanaıda sýpermarketten alynǵan konfetten jándik shyqty. Jergilikti turǵyn dúkendi sotqa berip, ótemaqy óndirip aldy, dep habarlaıdy Dalanews.kz.

Qostanaı qalasynyń turǵyny sýpermarketten satyp alǵan konfettiń qaptamasynan jándikterdi taýyp alǵan. Bul derek resmı túrde rastalǵan.

Oqıǵadan keıin tutynýshy sotqa júginip, moraldyq zıan úshin 2 mln teńge ótemaqy talap etti. Alaıda sot talap etilgen somany negizsiz dep tanydy. Sebebi satyp alýshynyń densaýlyǵyna zıan kelmegen, saýda orny keshirim surap, keltirilgen shyǵynnyń bir bóligin ótegen.

Nátıjesinde sot sýpermarketten óndiriletin ótemaqy mólsherin 250 myń teńge dep belgiledi.