Tamyz aiynda Rýdnyi qalasynyń turǵyndary politsiiaǵa jasóspirimder úilerdiń qabyrǵalaryna esirtkige shaqyratyn jazýlar qaldyrǵanyn habarlaǵan. Nátijesinde 14 jáne 16 jastaǵy eki kámeletke tolmaǵan bala ustaldy, al keiinirek Temirtaý qalasynyń taǵy bir 16 jastaǵy turǵynynan "mefedron" zattary men satý úshin daiyndalǵan 200-den astam usaq paket tárkilendi, dep habarlaidy Dalanews.kz.
"Tamyz aiynda qala turǵyndary politsiiaǵa eki jasóspirimniń ǵimarat qabyrǵalaryna narkograffiti salyp júrgenin habarlady. Esirtki jáne psihotroptyq zattardy nasihattaityn jazýlar anyqtalǵan soń, Qylmystyq kodekstiń 297-babynyń 3-bólimi boiynsha is qozǵalyp, 14 jáne 16 jasar eki kámeletke tolmaǵan tulǵa ustaldy. Keiin Rýdnyi qalasy prokýratýrasynyń úilestirýimen júrgizilgen jedel-izdestirý sharalary barysynda Temirtaý qalasynyń 16 jasar turǵyny ustaldy. Jeke tekserý kezinde onyń jeke zattarynan «mefedron» paketteri tabyldy. Sonymen qatar, jasóspirimniń jaldap turǵan páterinen satý úshin daiyndalǵan 200-den astam uqsas paket tabyldy", – dep habarlady vedomstvo.
Osy fakti boiynsha QR QK 297-babynyń 3-bólimi (Esirtki zattaryn, psihotroptyq zattar men olardyń analogtaryn zańsyz satyp alý, saqtaý, tasymaldaý nemese satý maqsatynda ótkizý) boiynsha tergeý bastaldy. Kúdikti qamaýda ustalyp otyr.
