Qostanai oblysynda Presnogorkovskii aýylynyń ákimi Tastemir Tursynbaev qaitys boldy. Bul týraly jergilikti basylymdar jazdy, - dep habarlaidy Dalanews.kz.
BAQ málimetinshe, sheneýnik 19 naýryzda asylyp ólgen jerinen tabylǵan. Ákimdik bul aqparatty ázirshe resmi rastaǵan joq.
Artynsha politsiia jaǵdaiǵa pikir bildirdi.
"Uzynkól aýdanyndaǵy úidiń aýlasynda er adamnyń máiiti tabylǵan derek boiynsha qylmystyq is qozǵaldy. Bolǵan oqiǵanyń mán-jaiy anyqtalyp jatyr. Qajet tergeý áreketteri júrgizilip jatyr. Tiisti saraptamalar taǵaiyndaldy", - dedi óńirdiń Politsiia departamenti ókilderi.
Tastemir Tursynbaev 1964 jyly Qostanai oblysynda dúniege kelgen, mal dárigeri mamandyǵy boiynsha bilim alǵan. Eńbek jolyn elektromonter bolyp bastap, Uzynkól aýdany Petropavl aýyldyq okrýginiń veterinariia bóliminiń meńgerýshisi bolyp eńbek etti. Keiin 16 jyl sol aýdannyń ákimi boldy.
2015-2018 jyldar aralyǵynda Tastemir Tursynbaev Presnogorkovskii aýyldyq okrýginiń ákimi qyzmetin atqarǵan. 2023 jyly úzilisten keiin ol bul qyzmetke qaita taǵaiyndaldy.
