Qostanai oblysy Reseige «Daily» kólikterin satady
"2015 jyldyń tamyz aiynda "SaryarqaAvtoProm" JShS men Qytaidyń ShinaMachinerycompany jáne JAC Motors kompaniialary arasynda strategiialyq seriktestik jáne ulttyq qazaqstandyq avtokólik brendin damytý boiynsha kelisim jasaldy. Osy kelisim aiasynda «SaryarqaAvtoProm» kásiporny JAC Motors kompaniiasymen JAC avtomobilderin shyǵarý boiynsha jobany júzege asyrýdy josparlap otyr. Búginde 5 mln AQSh dollary kóleminde investitsiia tartylyp, birinshi partiia shyǵaryldy. Jalpy, 40 mln. AQSh dollaryna deiin investitsiia salý kózdelgen. Tehnologiialyq qondyrǵylar 2016 jyldyń maýsym-shilde ailarynda jetkizilip, montajdalady. Biylǵy jyly 2 myńnan astam avtokólik shyǵarylady", - dedi A.Muhambetov.
Oblys ákiminiń aitýynsha, aqpan aiynyń sońynda ShinaMachinerycompany kompaniiasy delegatsiiasynyń Qostanaiǵa sapary josparlanǵan. Sapar aiasynda indýstriialyq aimaq qurylysynyń merzimi boiynsha sheshim shyǵarylyp, ShinaMachinerycompany, oblys ákimdigi men "SaryarqaAvtoProm" JShS arasynda úsh jaqty qujatqa qol qoiylmaq. «Al, "SaryarqaAvtoProm" JShS men IVECO Russia arasynda qol qoiylatyn eksport týraly kelisim aiasynda Qostanai oblysy Reseige «Daily» markaly kólikterdiń ilki partiiasyn jetkizedi», - dep habarlady ákim.
ASTANA. QazAqparat - Búgin Ortalyq kommýnikatsiialar qyzmetiniń brifingisine qatysqan Qostanai oblysynyń ákimi Arhimed Muhambetov aimaqqa dáriger mamandar jetpei jatqanyn erekshe atap ótti. Mysaly, qazir oblysqa 450 kadr jetpei tursa, onyń jartysyna jýyǵy dárigerler eken.
«Búginde oblysymyzda ortasha eseppen 450 maman tapshylyǵy bar. Negizgi baǵyttar: bilim berý men densaýlyq saqtaý salasy. 450 mamannyń 45 paiyzy meditsina salasyna tiesili. Densaýlyq saqtaý salasyna 450 mamannyń 44 paiyzy tiesili. Óitkeni, oblysymyzda meditsina mamandaryn daiyndaityn joǵarǵy oqý orny joq. Kolledj bar. Biraq, soǵan qaramastan, tiisti sharalardy qolǵa alyp jatyrmyz. «Diplommen aýylǵa» baǵdarlamasy 2009 jyly bastalǵan bolatyn. Osy baǵdarlama aiasynda 4 myńǵa jýyq kadrlar aýylǵa barǵan. Bul 4 myń jastardyń 70 paiyzy bilim berý salasynda jumysqa ornalassa, nebary 17 paiyzy densaýlyq saqtaý salasyna kelgen», - dep habarlady ákim.
Ákimniń aitýynsha, osy jastarǵa úi alý úshin nesie, keibireýine bir rettik kótermeaqy berilgen. «Kelgen mamandarǵa qoldaý kórsetý boiynsha barlyq deńgeidegi ákimderge tapsyrma berildi», - dep atap ótti ákim.
«QazAqparat»
