Qostanai qalasynyń soty 2023 jylǵy 11 jeltoqsanda shaǵyn jóndeý sheberhanasynda bolǵan jarylysqa qatysty qylmystyq is boiynsha úkim shyǵardy, dep habarlaidy dalanews.kz.
Sottyń málimetinshe, sheberhanada jóndeýde turǵan "GAZ Gazel" kóligindegi gaz ballonynan gaz syrtqa shyǵyp ketken. Gaz aýaǵa taraǵannan keiin tutanyp, qatty jarylys bolǵan.
Saldarynan úsh adam kóz jumyp, taǵy bir adam aýyr jaraqat alǵan. Jarylystan turǵyn úiler, óndiristik ǵimarattar jáne basqa da múlikter búlingen. 26 jábirlenýshige keltirilgen jalpy shyǵyn 240 million teńgeden asqan.
Aiyptalýshy óz kinásin moiyndamai, sottan ózin aqtaýdy suraǵan. Soǵan qaramastan, sot ony kináli dep tanydy. Alaida oqiǵadan beri zańda belgilengen eki jyldyq eskirý merzimi ótip ketkendikten, er adam qylmystyq jaýapkershilikten bosatyldy.
Sonymen qatar sot jábirlenýshilerdiń azamattyq talaptaryn qanaǵattandyrdy. Úkim ázirge zańdy kúshine engen joq.
