قوستاناي قالاسىنىڭ سوتى 2023 جىلعى 11 جەلتوقساندا شاعىن جٶندەۋ شەبەرحاناسىندا بولعان جارىلىسقا قاتىستى قىلمىستىق ٸس بويىنشا ٷكٸم شىعاردى, دەپ حابارلايدى dalanews.kz.
سوتتىڭ مەلٸمەتٸنشە, شەبەرحانادا جٶندەۋدە تۇرعان "گاز گازەل" كٶلٸگٸندەگٸ گاز باللونىنان گاز سىرتقا شىعىپ كەتكەن. گاز اۋاعا تاراعاننان كەيٸن تۇتانىپ, قاتتى جارىلىس بولعان.
سالدارىنان ٷش ادام كٶز جۇمىپ, تاعى بٸر ادام اۋىر جاراقات العان. جارىلىستان تۇرعىن ٷيلەر, ٶندٸرٸستٸك عيماراتتار جەنە باسقا دا مٷلٸكتەر بٷلٸنگەن. 26 جەبٸرلەنۋشٸگە كەلتٸرٸلگەن جالپى شىعىن 240 ميلليون تەڭگەدەن اسقان.
ايىپتالۋشى ٶز كٸنەسٸن مويىنداماي, سوتتان ٶزٸن اقتاۋدى سۇراعان. سوعان قاراماستان, سوت ونى كٸنەلٸ دەپ تانىدى. الايدا وقيعادان بەرٸ زاڭدا بەلگٸلەنگەن ەكٸ جىلدىق ەسكٸرۋ مەرزٸمٸ ٶتٸپ كەتكەندٸكتەن, ەر ادام قىلمىستىق جاۋاپكەرشٸلٸكتەن بوساتىلدى.
سونىمەن قاتار سوت جەبٸرلەنۋشٸلەردٸڭ ازاماتتىق تالاپتارىن قاناعاتتاندىردى. ٷكٸم ەزٸرگە زاڭدى كٷشٸنە ەنگەن جوق.
