Qostanai oblysy Politsiia departamentiniń bastyǵy, politsiia general-maiory Erlan Faizýllinniń týǵan baýyry Nariman Faizýllin ustalyp, ýaqytsha ustaý izoliatoryna qamaldy, dep habarlaidy dalanews.kz.
Halyqstan málimetinshe, kásipker Nariman Faizýllindi Astana qalasyndaǵy Ulttyq qaýipsizdik komiteti departamentiniń qyzmetkerleri 26 tamyz kúni arnaiy operatsiia barysynda ustaǵan. Ol Qostanai oblysy Politsiia departamentiniń basshysy Erlan Faizýllinniń týǵan baýyry bolyp tabylady.
Aldyn ala aqparat boiynsha, Nariman Faizýllin para berýge itermeleý faktisi boiynsha kúdikke ilingen. Alaida bul aqparat ázirge resmi túrde rastalǵan joq. Resmi málimet erteń jariialanýy múmkin. Quqyq qorǵaý organdaryndaǵy derekkózderdiń habarlaýynsha, tergeý barysyn Bas prokýratýra baqylaýda ustap otyr.
Anonimdi derekkózderdiń málimetinshe, kúdikti qylmystyq isterdiń biri boiynsha deldal retinde áreket etip, amnistiia qoldaný máselesin sheship berýge ýáde etken. Boljam boiynsha, mundai «qyzmettiń» quny 15 million teńge bolǵan.
Qazirgi ýaqytta Nariman Faizýllin ýaqytsha ustaý izoliatorynda otyr. Oǵan qatysty qamaýǵa alý túrindegi bultartpaý sharasyn sanktsiialaý máselesi qaralyp jatyr.
Ashyq memlekettik tizilimderdegi málimetterge sáikes, Nariman Faizýllin Qostanai oblysynda tirkelgen «Stepniak 2015» jaýapkershiligi shekteýli seriktestiginiń basshysy retinde kórsetilgen.
Aita keteiik, Erlan Faizýllin Qostanai oblysy Politsiia departamentin 2023 jyldyń mamyr aiynan beri basqaryp keledi. Ol politsiia general-maiory ataǵyna ie.
