Májilis tóraǵasy Erlan Qoshanov Májilistiń jalpy otyrysynda Prezident reformalarynyń bir jeńisi halyqty mazalaityn máseleler kóshede emes, Parlament qabyrǵasynda talqylanýy ekenin aitty, - dep habarlaidy Dalanews.kz.
Qoshanovtyń aitýynsha, mazmundy, konstrýktivti talqylaý mádenieti qalyptasyp jatyr. Sondai-aq, Májilis tóraǵasy Qańtar oqiǵasyna da toqtaldy.
"Qańtar oqiǵasy boiynsha eki ret arnaiy parlamenttik tyńdaý ótkizdik. Ashyq talqylaý barysynda tergeý amaldarynyń málimetteri búkpesiz jariialandy.
Oǵan Bas prokýratýra, quqyq qorǵaý organdary, quqyq qorǵaýshylar jáne sol kúnderi aýyr shyǵynǵa ushyraǵan kásipkerler shaqyryldy. Eldiń kókeiindegi kóptegen saýaldarǵa jaýap berildi", - dedi Qoshanov.
Sondai-aq, Erlan Qoshanov Májilis janynan qurylǵan Qoǵamdyq palatanyń jumysyn erekshe atap ótti.
"Qazir Qoǵamdyq palata úilestirýshi alańǵa, negizgi zańnamalyq bastamalardy táýelsiz, kásibi saraptaý ortalyǵyna ainaldy. Osylaisha, biz qoǵammen dialogtyń jańa formatyna kóshtik. Bul da Memleket basshysynyń Ádiletti Qazaqstan qurý ideiasymen tolyq úndesip jatyr", - dedi ol.
