Tokıo gýbernatory Prezıdent Qasym-Jomart Toqaevty «Qosh keldińiz!» dep qazaq tilinde jyly shyraı tanyta qarsy aldy, dep habarlaıdy Dalanews.kz.
Búgin Memleket basshysy Tokıo gýbernatory Iýrıko Koıkemen kezdesý ótkizdi.
Qasym-Jomart Toqaev pen Iýrıko Koıke sıfrlandyrý, Smart city tehnologıalaryn jáne qalany ornyqty damytý, jasandy ıntellekt, shahardy basqarý isine ınovasıalyq sheshimderdi engizý salalaryndaǵy yntymaqtastyq máselelerin talqylady
Sonymen qatar megapolısterdiń turǵyndary men qonaqtary úshin anaǵurlym jaıly, ekologıalyq turǵydan taza, qaýipsiz jáne ınklúzıvti orta qalyptastyrý jaıyn qarastyrdy.
Memleket basshysy qalany basqarý isine jasandy ıntellektini engizý boıynsha eki el astanalary arasyndaǵy yntymaqtastyqtyń áleýeti zor ekenine toqtaldy.
Kezdesýde Qasym-Jomart Toqaevqa Tokıo qalasynyń Smart city tujyrymdamasy tanystyryldy. Joba halyqtyń turmys sapasyn jaqsartýdy, shahardy basqarý tıimdiligin arttyrýdy jáne ornyqty damý úshin ozyq tehnologıalardy paıdalanýdy kózdeıdi.
Artynsha Prezıdent Qasym-Jomart Toqaevtyń qatysýymen Astana qalasynyń ákimi Jeńis Qasymbek pen Tokıo gýbernatory Iýrıko Koıke Qazaqstan jáne Japonıa astanalary arasyndaǵy ózara túsinistik týraly memorandýmǵa qol qoıdy.
