Jetisý oblysy boıynsha Memlekettik kirister departamentiniń basshysy bolyp Ulan Ómirzaqov taǵaıyndaldy.
Ol 1997 jyly Qazaq memlekettik agrarlyq ýnıversıtetin, 2004 jyly T. Rysqulov atyndaǵy Qazaq ekonomıkalyq ýnıversıtetin "Qarjy jáne nesıe" mamandyǵy boıynsha bitirgen. Eńbek jolyn 1991 jyly bastaǵan.
Memlekettik kirister organdarynda 2004 jyldan bastap jetekshi ınspektor laýazymynda jumys isteı bastady. Keıin bas maman, bólim basshysy, Aýdandyq basqarmalardyń basshysy, keden beketi basshysynyń orynbasary qyzmetterin atqarǵan.
Sońǵy eki jylda Almaty oblysy boıynsha Memlekettik kirister departamenti basshysynyń orynbasary boldy.
Atyraý oblysynyń Memlekettik kirister departamentiniń basshylyǵyna Esembekov Kenjeǵazy keldi.
Ol 2000 jyly Ó. Baıqońyrov atyndaǵy Jezqazǵan ýnıversıtetin, 2003 jyly E.A. Bóketov atyndaǵy Qaraǵandy memlekettik ýnıversıtetin "Quqyqtaný" mamandyǵy boıynsha bitirgen. Eńbek jolyn 1996 jyly memlekettik kirister organdarynda Balqash qalasynyń salyq ınspeksıasy, salyq agenti qyzmetinen bastaǵan. Jetekshi salyq ınspektory, bas mamany, bólim bastyǵy, Aýdandyq basqarmalardyń basshysy, Túrkistan oblysy boıynsha Memlekettik kirister departamenti basshysynyń orynbasary qyzmetterin atqardy.
Sońǵy eki jylda Astana qalasy boıynsha Memlekettik kirister departamenti basshysynyń orynbasary boldy.
