جەتىسۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ ۇلان ءومىرزاقوۆ تاعايىندالدى.
ول 1997 جىلى قازاق مەملەكەتتىك اگرارلىق ۋنيۆەرسيتەتىن، 2004 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن "قارجى جانە نەسيە" ماماندىعى بويىنشا بىتىرگەن. ەڭبەك جولىن 1991 جىلى باستاعان.
مەملەكەتتىك كىرىستەر ورگاندارىندا 2004 جىلدان باستاپ جەتەكشى ينسپەكتور لاۋازىمىندا جۇمىس ىستەي باستادى. كەيىن باس مامان، ءبولىم باسشىسى، اۋداندىق باسقارمالاردىڭ باسشىسى، كەدەن بەكەتى باسشىسىنىڭ ورىنباسارى قىزمەتتەرىن اتقارعان.
سوڭعى ەكى جىلدا الماتى وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بولدى.
اتىراۋ وبلىسىنىڭ مەملەكەتتىك كىرىستەر دەپارتامەنتىنىڭ باسشىلىعىنا ەسەمبەكوۆ كەنجەعازى كەلدى.
ول 2000 جىلى ءو. بايقوڭىروۆ اتىنداعى جەزقازعان ۋنيۆەرسيتەتىن، 2003 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن "قۇقىقتانۋ" ماماندىعى بويىنشا بىتىرگەن. ەڭبەك جولىن 1996 جىلى مەملەكەتتىك كىرىستەر ورگاندارىندا بالقاش قالاسىنىڭ سالىق ينسپەكسياسى، سالىق اگەنتى قىزمەتىنەن باستاعان. جەتەكشى سالىق ينسپەكتورى، باس مامانى، ءبولىم باستىعى، اۋداندىق باسقارمالاردىڭ باسشىسى، تۇركىستان وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى قىزمەتتەرىن اتقاردى.
سوڭعى ەكى جىلدا استانا قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بولدى.
