Mańǵystaý oblysynyń burynǵy ákimi Nurlan Noǵaev Qańtar oqiǵasy kezindegi óziniń róli men sol sátte bastan keshken kúii týraly alǵash ret keńinen toqtaldy, dep habarlaidy Dalanews.kz.
Jýrnalist Botagóz Omarovaǵa bergen suhbatynda ol ózine qatysty aiyp sezinbeitinin jetkizdi. Onyń aitýynsha, sol ýaqytta óńir basshysy retinde de, qarapaiym azamat retinde de qoldan kelgenniń bárin jasaǵan.
Oqiǵa kúnderi qorqynysh boldy ma degen suraqqa Noǵaev jasyrmai jaýap berdi:
«Iá, qorqynyshty boldy», - dedi ol.
Onyń aitýynsha, eń aýyr sezim - halyqtyń senimin aqtap, óńirde qaiǵyly jaǵdaiǵa jol bermeý múmkindigine degen alańdaýshylyq bolǵan.
«Qudai saqtasyn, bir nárse bolyp qalsa - ózimdi kináli seziner edim. Meniń álsizdigimnen aýyr jaǵdai oryn alýy múmkin edi», - dedi ol.
Noǵaevtyń pikirinshe, búginde Qańtar týraly batyl sóilep júrgenderdiń kóbi sol kezde dál sondai jaǵdaida otyrsa, bulai senimdi bolmas edi.
Aita keteiik, qazirgi ýaqytta Nurlan Noǵaev - Qazaqstannyń Túrikmenstandaǵy Tótenshe jáne Ókiletti elshisi. Bir apta buryn ol Astanaǵa Túrikmenstan prezidentiniń resmi sapary aiasynda el astanasyna kelgen bolatyn.
