Jiyndardyń ekinshi kezeńi Astana qalasynda ótti. Taipeige iýnior qyzdardan 13 salmaqtyq kategoriia men jastardan 10 salmaqtyq kategoriiadan quralatyn tolyq komanda ushyp shyqty. Álem chempionatyna 46 eldiń sportshy qyzdary, 190 jastar men 155 iýnior qyzdar qatysty.
Álem Chempionaty qorytyndysy boiynsha Qazaqstan Respýblikasynyń qurama komandasy 12 medal utyp aldy: 2 altyn, 3 kúmis jáne 7 qola. Iýnior qyzdar 66 kg deiingi salmaqtyq kategoriiada 1 altyn utyp aldy, chempion titýlynyń iegeri retinde Qostanai oblysynan Riabets Nadejda boldy. Eki ekinshi orynǵa Jambyl oblysy Shý qalasynyń týmasy 63 kg deiingi Qusaiynova Leilia jáne 80 kg deiingi salmaqta Shymkent qalasynan Islámbekova Dina ielendi. Tórt úshinshi oryn: 46 kg deiingi salmaqta Almaty oblysynan Oraqbaeva Jazira, 57 kg deiingi salmaqta Qostanai oblysynan Kýhta Nadejda, 70 kg deiingi salmaqta Taraz qalasynan Shernýkova Elena jáne 75 kg deiingi salmaqta Almaty oblysynan Sadyqova Giýzel.
Jastar arasynda: 54 kg deiingi salmaqta Almaty oblysynan Mýzdiman Balaýsa 1 altynǵa, ekinshi orynǵa Almaty oblysynan komanda kapitany Aqbaeva Baian ielendi. Ári qola medaldarynyń iegerleri retinde: 60 kg deiingi salmaqta Oral qalasynan Isshanova Nazym, 81 kg deiingi salmaqta Astana qalasynan Muqyshbekova Altyn jáne Qostanai oblysynan Jýmasova Janel.
Bul Álem Chempionatynda bizdiń qurama komandamyz Reseidiń qurama komandasyna ǵana oryn berip, jalpykomandalyq synaqta 2-shi orynǵa ie boldy. Álemdik reitingtiń úshinshi jáne tórtinshi jolaqtarynda AQ jáne Indiianyń qurama komandalary.
