2015 جىلدىڭ 16 – 20 ناۋرىزى ارالىعىندا پاۆلودار قالاسىندا وتكەن قازاقستان چەمپيوناتىنان كەيىن تايپەي قالاسىنداعى الەم چەمپيوناتىنا دايىندالۋ جانە قاتىسۋ ءۇشىن ۇلتتىق قۇراما كومانداسى ىرىكتەلگەن بولاتىن. جيىنداردىڭ ءبىرىنشى كەزەڭى 1 – 14 ساۋىردە الماتى قالاسىندا «اق باستاۋ» نەگىزىندە ءوتتى، سەبەبى وسى ارالىقتا تەرەڭدەتىلگەن مەديسينالىق تەكسەرۋ وتكىزىلدى.
جيىنداردىڭ ەكىنشى كەزەڭى استانا قالاسىندا ءوتتى. تايپەيگە يۋنيور قىزداردان 13 سالماقتىق كاتەگوريا مەن جاستاردان 10 سالماقتىق كاتەگوريادان قۇرالاتىن تولىق كوماندا ۇشىپ شىقتى. الەم چەمپيوناتىنا 46 ەلدىڭ سپورتشى قىزدارى، 190 جاستار مەن 155 يۋنيور قىزدار قاتىستى.
الەم چەمپيوناتى قورىتىندىسى بويىنشا قازاقستان رەسپۋبليكاسىنىڭ قۇراما كومانداسى 12 مەدال ۇتىپ الدى: 2 التىن، 3 كۇمىس جانە 7 قولا. يۋنيور قىزدار 66 كگ دەيىنگى سالماقتىق كاتەگوريادا 1 التىن ۇتىپ الدى، چەمپيون تيتۋلىنىڭ يەگەرى رەتىندە قوستاناي وبلىسىنان ريابەس نادەجدا بولدى. ەكى ەكىنشى ورىنعا جامبىل وبلىسى شۋ قالاسىنىڭ تۋماسى 63 كگ دەيىنگى قۇسايىنوۆا لەيليا جانە 80 كگ دەيىنگى سالماقتا شىمكەنت قالاسىنان ىسلامبەكوۆا دينا يەلەندى. ءتورت ءۇشىنشى ورىن: 46 كگ دەيىنگى سالماقتا الماتى وبلىسىنان وراقبايەۆا جازيرا، 57 كگ دەيىنگى سالماقتا قوستاناي وبلىسىنان كۋحتا نادەجدا، 70 كگ دەيىنگى سالماقتا تاراز قالاسىنان شەرنۋكوۆا ەلەنا جانە 75 كگ دەيىنگى سالماقتا الماتى وبلىسىنان سادىقوۆا گيۋزەل.
جاستار اراسىندا: 54 كگ دەيىنگى سالماقتا الماتى وبلىسىنان مۋزديمان بالاۋسا 1 التىنعا، ەكىنشى ورىنعا الماتى وبلىسىنان كوماندا كاپيتانى اقبايەۆا بايان يەلەندى. ءارى قولا مەدالدارىنىڭ يەگەرلەرى رەتىندە: 60 كگ دەيىنگى سالماقتا ورال قالاسىنان يسششانوۆا نازىم، 81 كگ دەيىنگى سالماقتا استانا قالاسىنان مۇقىشبەكوۆا التىن جانە قوستاناي وبلىسىنان جۋماسوۆا جانەل.
بۇل الەم چەمپيوناتىندا ءبىزدىڭ قۇراما كوماندامىز رەسەيدىڭ قۇراما كومانداسىنا عانا ورىن بەرىپ، جالپىكوماندالىق سىناقتا 2ء-شى ورىنعا يە بولدى. الەمدىك رەيتينگتىڭ ءۇشىنشى جانە ءتورتىنشى جولاقتارىندا اق جانە ينديانىڭ قۇراما كوماندالارى.
