Qoryqshyny atyp ketti
Bul máselege qatysty QR Prezidenti Qasym-Jomart Toqaev quzyrly oryndarǵa qoryqshynyń ólimine sebepker bolǵan kúdiktilerdi taýyp, jazalaýdy tapsyrdy.
Qazir bai-baǵlandardyń biri myltyq asynyp, shetinen ańshy bolyp ketkeni jasyryn emes.
Shyndyǵynda, olardy ańshy dep aitýǵa aýyzyń barmaidy. Syrtqa shyǵyp, araq iship, jolyndaǵynyń bárin jaipap, ańdy bylai qoiyp, adamǵa da myltyq kezinetinderdi qalaisha ańshy dep aitýǵa aýyzyń barmaidy.
Erlan Nurǵalievti atqan qaraqshylar qolǵa túskenimen, sol bir is saǵyzsha sozylǵany jasyryn emes.
QR Ishki ister ministri Erlan Turǵymbaev qyzmetine kiriskennen keiin bir aidan keiin halyqty qabyldaǵanda E.Nurǵalievtyń isin júrgizýshi otbasynyń senimdi ókili Ǵalymjan Táýekelov istiń durys tergelmei jatqanyn aitqany esimizde. Ol:
– Oqiǵa bolǵan kezde tergeýshiler qylmys bolǵan jerge keshigip kelgen. Kúdikke ilingender der kezinde qamaýǵa alynbaǵany da biz úshin túsiniksiz. Qazir kúdiktiler óz atyndaǵy dúnie-múlikterin jaqyndarynyń atyna aýdaryp, áýre bolyp jatyr, – dep istiń ash ishektei sozylyp ketkenin alǵa tartyp, renishin bildirgeni esimizde. Óz kezeginde ministr bul isti birjaqty etkge ýáde bergen-di.
Endi mine Qýanysh Nurtazin esimdi qoryqshy erikken ańshylardyń qolynan mert boldy. Onyń artynda bes balasy men jesir kelinshegi qaldy. Olardyń jaiy ne bolady?
Eger qoryqshylardy bulaisha ata berse, elimizde tabiǵatty qorǵaityn adam qalmaýy múmkin.
