قورىقشىنى اتىپ كەتتٸ
بۇل مەسەلەگە قاتىستى قر پرەزيدەنتٸ قاسىم-جومارت توقاەۆ قۇزىرلى ورىندارعا قورىقشىنىڭ ٶلٸمٸنە سەبەپكەر بولعان كٷدٸكتٸلەردٸ تاۋىپ, جازالاۋدى تاپسىردى.
قازٸر باي-باعلانداردىڭ بٸرٸ مىلتىق اسىنىپ, شەتٸنەن اڭشى بولىپ كەتكەنٸ جاسىرىن ەمەس.
شىندىعىندا, ولاردى اڭشى دەپ ايتۋعا اۋىزىڭ بارمايدى. سىرتقا شىعىپ, اراق ٸشٸپ, جولىنداعىنىڭ بەرٸن جايپاپ, اڭدى بىلاي قويىپ, ادامعا دا مىلتىق كەزٸنەتٸندەردٸ قالايشا اڭشى دەپ ايتۋعا اۋىزىڭ بارمايدى.
ەرلان نۇرعاليەۆتٸ اتقان قاراقشىلار قولعا تٷسكەنٸمەن, سول بٸر ٸس ساعىزشا سوزىلعانى جاسىرىن ەمەس.
قر ٸشكٸ ٸستەر مينيسترٸ ەرلان تۇرعىمباەۆ قىزمەتٸنە كٸرٸسكەننەن كەيٸن بٸر ايدان كەيٸن حالىقتى قابىلداعاندا ە.نۇرعاليەۆتىڭ ٸسٸن جٷرگٸزۋشٸ وتباسىنىڭ سەنٸمدٸ ٶكٸلٸ عالىمجان تەۋەكەلوۆ ٸستٸڭ دۇرىس تەرگەلمەي جاتقانىن ايتقانى ەسٸمٸزدە. ول:
– وقيعا بولعان كەزدە تەرگەۋشٸلەر قىلمىس بولعان جەرگە كەشٸگٸپ كەلگەن. كٷدٸككە ٸلٸنگەندەر دەر كەزٸندە قاماۋعا الىنباعانى دا بٸز ٷشٸن تٷسٸنٸكسٸز. قازٸر كٷدٸكتٸلەر ٶز اتىنداعى دٷنيە-مٷلٸكتەرٸن جاقىندارىنىڭ اتىنا اۋدارىپ, ەۋرە بولىپ جاتىر, – دەپ ٸستٸڭ اش ٸشەكتەي سوزىلىپ كەتكەنٸن العا تارتىپ, رەنٸشٸن بٸلدٸرگەنٸ ەسٸمٸزدە. ٶز كەزەگٸندە مينيستر بۇل ٸستٸ بٸرجاقتى ەتكگە ۋەدە بەرگەن-دٸ.
ەندٸ مٸنە قۋانىش نۇرتازين ەسٸمدٸ قورىقشى ەرٸككەن اڭشىلاردىڭ قولىنان مەرت بولدى. ونىڭ ارتىندا بەس بالاسى مەن جەسٸر كەلٸنشەگٸ قالدى. ولاردىڭ جايى نە بولادى?
ەگەر قورىقشىلاردى بۇلايشا اتا بەرسە, ەلٸمٸزدە تابيعاتتى قورعايتىن ادام قالماۋى مٷمكٸن.
