Qorǵanys mınıstrligi jasandy ıntellektti engizý jónindegi mamandandyrylǵan bólimshe qurdy, dep habarlaıdy Dalanews.kz.
Qazaqstan Respýblıkasy Qarýly kúshteri Joǵarǵy Bas qolbasshysynyń tapsyrmalaryn oryndaý sheńberinde jáne basqarý tıimdiligin arttyrý, prosesterdi ońtaılandyrý, sondaı-aq qorǵanys áleýetin kúsheıtý maqsatynda Qorǵanys mınıstrliginde jasandy ıntellekt tehnologıalaryn engizý men damytýǵa jaýapty mamandandyrylǵan bólimshe quryldy.
Mınıstrlik málimetine súıensek, jańa qurylym Qarýly kúshterdiń sıfrlyq transformasıasynyń negizgi elementi bolmaq.
"Bólimsheniń negizgi mindeti - derekterdi taldaý, basqarýdy avtomattandyrý, jedel senarılerdi modeldeý, qazirgi áskerı jaǵdaıda basqarý sheshimderin qabyldaý jyldamdyǵyn arttyrý úshin jasandy ıntelekt sheshimderin ázirleý jáne engizý", - dep jazylǵan habarlamada.
