Almaty oblysy Ile aýdanynyń burynǵy ákimi Baǵdat Karasaevqa qatysty sot protsesi bastaldy, dep habarlaidy Dalanews.kz Tengrinews.kz-ke siltep.
Bul aqparatty oblystyq prokýratýra rastaǵan.
"Sybailas jemqorlyqqa qarsy is-qimyl agenttiginiń Almaty oblysy boiynsha departamenti Ile aýdanynyń eks-ákimi B.Á. Karasaev pen ózge de tulǵalarǵa qatysty sotqa deiingi tergep-tekserýdi aiaqtady. 2025 jylǵy 31 naýryzda Karasaev pen taǵy úsh aiyptalýshy QR Qylmystyq-protsestik kodeksiniń 305-babyna sáikes Almaty oblysy Ile aýdandyq sotyna qylmystyq isti qaraýǵa joldandy", – dep málimdedi oblystyq prokýratýra.
Ile aýdanynyń ákimi Baǵdat Qarasaevty Sybailas jemqorlyqqa qarsy qyzmet byltyr kúzde ustady. Prokýratýranyń málimetinshe, ákimniń ustalýy Ile aýdanyndaǵy qoqys poligony qyzmetiniń birlesken tekserisimen bailanysty. Antikordyń aqparatyna sáikes, ol "qoqys poligonyn senimgerlik basqarý quqyǵyn ózine qatysy bar kompaniiaǵa berý arqyly qyzmettik ókilettigin teris paidalandy" degen kúdikke ilingen.
Ákim ustalǵanǵa deiin, iaǵni 2024 jyldyń 25 shildesinde, Ile aýdanyndaǵy qatty turmystyq qaldyqtar poligonynyń aýmaǵynda bolashaq zaýyttyń irgetasy qalanǵan bolatyn.
Redaktsiianyń suraýyna jaýap retinde Almaty oblysynyń ákimdigi qoqys poligonyn sol "ADC Taza Alem" JShS kompaniiasy basqaryp otyrǵanyn jáne qazirgi ýaqytta qoqys óńdeitin zaýyttyń jobalyq-smetalyq qujattamasy ázirlenip jatqanyn habarlady.
"Nysan qurylysy jobanyń oń saraptamalyq qorytyndysy alynǵannan keiin ǵana bastalýy múmkin. Elektrondyq saýda-sattyqtyń №146999 hattamasyna sáikes, 2020 jyldyń 11 aqpanynda poligon "ADC Taza Alem" kompaniiasyna satyp alý quqyǵynsyz senimgerlik basqarýǵa berilgen", – dep málimdedi oblys ákimdigi.
Qatty turmystyq qaldyqtar poligonynyń aýmaǵy 34,3 gektar. Poligon kún saiyn 100 tonnadan astam qoqys qabyldaidy.
Buǵan deiin Almaty oblysynyń ákimi Marat Sultanǵaziev Baǵdat Qarasaevtyń ustalýyna qatysty pikir bildirgen bolatyn.
Marat Sultanǵaziev Baǵdat Qarasaev aýdan ákimi bolǵandyqtan onyń tikelei basshysy ekenin atap ótti.
"Bul jaily aqparat alardan buryn talqylaǵan bolatynbyz. Keiin quqyq qorǵaý organdaryna tekseris júrgizsin dep jiberdik. Odan keiin Preziden ákimshiligine jumystan bosatý boiynsha hat jiberdik. Ekinshiden, Qarasaevtyń qai ýaqytta qyzmettik ókilin asyra paidalanǵany mańyzdy. Eger qoqys poligony týraly aitar bolsaq, ol 2019 jyly kásipkerlerge qoldanysqa berilgen.
Baǵdat Qarasaev jumystan bosatyldy, sebebi onyń qyzmet etý merzimi bitti. Aiyp taǵylǵanǵa deiin eki jyldyq jumys merzimi aiaqtalǵan. Rotatsiiaǵa sáikes, ol saiasi qyzmetker bolǵandyqtan jumys isteý mezgili bar. Merzimi aiaqtalǵan soń ketti", deidi Sultanǵaziev.
Marat Sultanǵaziev Baǵdat Qarasaevtyń qyzmettik merzimi oǵan aiyp taǵylyp, ustalǵanǵa deiin aiaqtalǵanyn atap ótti. Oblys ákimi bul oqiǵadan keiin óziniń otstavkaǵa ketýi ne ketpeýi týraly pikir bildirdi.
"Jalpy aiyp taǵylǵannan keiin ol qyzmetker bolmady. Árine, zańǵa baǵynamyz. Eger bizdi de jumystan bosatamyz dese, saiasi qyzmetker bolǵandyqtan eshqandai mezgilge de qaramaidy", deidi Marat Sultanǵaziev.
Ol Ile aýdanyna jańa ákim retinde birneshe kandidat usynylǵanyn aitady.
"Sondyqtan onyń óziniń rásimi bar. Sodan keiin taǵaiyndalady", deidi oblys ákimi.
