الماتى وبلىسى ىلە اۋدانىنىڭ بۇرىنعى اكىمى باعدات كاراسايەۆقا قاتىستى سوت پروسەسى باستالدى، دەپ حابارلايدى Dalanews.kz Tengrinews.kz-كە سىلتەپ.
بۇل اقپاراتتى وبلىستىق پروكۋراتۋرا راستاعان.
"سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى ىلە اۋدانىنىڭ ەكس-اكىمى ب.ءا. كاراسايەۆ پەن وزگە دە تۇلعالارعا قاتىستى سوتقا دەيىنگى تەرگەپ-تەكسەرۋدى اياقتادى. 2025 جىلعى 31 ناۋرىزدا كاراسايەۆ پەن تاعى ءۇش ايىپتالۋشى ق ر قىلمىستىق-پروسەستىك كودەكسىنىڭ 305-بابىنا سايكەس الماتى وبلىسى ىلە اۋداندىق سوتىنا قىلمىستىق ءىستى قاراۋعا جولداندى"، – دەپ مالىمدەدى وبلىستىق پروكۋراتۋرا.
ىلە اۋدانىنىڭ اكىمى باعدات قاراسايەۆتى سىبايلاس جەمقورلىققا قارسى قىزمەت بىلتىر كۇزدە ۇستادى. پروكۋراتۋرانىڭ مالىمەتىنشە، اكىمنىڭ ۇستالۋى ىلە اۋدانىنداعى قوقىس پوليگونى قىزمەتىنىڭ بىرلەسكەن تەكسەرىسىمەن بايلانىستى. انتيكوردىڭ اقپاراتىنا سايكەس، ول "قوقىس پوليگونىن سەنىمگەرلىك باسقارۋ قۇقىعىن وزىنە قاتىسى بار كومپانياعا بەرۋ ارقىلى قىزمەتتىك وكىلەتتىگىن تەرىس پايدالاندى" دەگەن كۇدىككە ىلىنگەن.
اكىم ۇستالعانعا دەيىن، ياعني 2024 جىلدىڭ 25 شىلدەسىندە، ىلە اۋدانىنداعى قاتتى تۇرمىستىق قالدىقتار پوليگونىنىڭ اۋماعىندا بولاشاق زاۋىتتىڭ ىرگەتاسى قالانعان بولاتىن.
رەداكسيانىڭ سۇراۋىنا جاۋاپ رەتىندە الماتى وبلىسىنىڭ اكىمدىگى قوقىس پوليگونىن سول "ADC Taza Alem" ج ش س كومپانياسى باسقارىپ وتىرعانىن جانە قازىرگى ۋاقىتتا قوقىس وڭدەيتىن زاۋىتتىڭ جوبالىق-سمەتالىق قۇجاتتاماسى ازىرلەنىپ جاتقانىن حابارلادى.
"نىسان قۇرىلىسى جوبانىڭ وڭ ساراپتامالىق قورىتىندىسى الىنعاننان كەيىن عانا باستالۋى مۇمكىن. ەلەكتروندىق ساۋدا-ساتتىقتىڭ №146999 حاتتاماسىنا سايكەس، 2020 جىلدىڭ 11 اقپانىندا پوليگون "ADC Taza Alem" كومپانياسىنا ساتىپ الۋ قۇقىعىنسىز سەنىمگەرلىك باسقارۋعا بەرىلگەن"، – دەپ مالىمدەدى وبلىس اكىمدىگى.
قاتتى تۇرمىستىق قالدىقتار پوليگونىنىڭ اۋماعى 34،3 گەكتار. پوليگون كۇن سايىن 100 توننادان استام قوقىس قابىلدايدى.
بۇعان دەيىن الماتى وبلىسىنىڭ اكىمى مارات سۇلتانعازييەۆ باعدات قاراسايەۆتىڭ ۇستالۋىنا قاتىستى پىكىر بىلدىرگەن بولاتىن.
مارات سۇلتانعازييەۆ باعدات قاراسايەۆ اۋدان اكىمى بولعاندىقتان ونىڭ تىكەلەي باسشىسى ەكەنىن اتاپ ءوتتى.
"بۇل جايلى اقپارات الاردان بۇرىن تالقىلاعان بولاتىنبىز. كەيىن قۇقىق قورعاۋ ورگاندارىنا تەكسەرىس جۇرگىزسىن دەپ جىبەردىك. ودان كەيىن پرەزيدەن اكىمشىلىگىنە جۇمىستان بوساتۋ بويىنشا حات جىبەردىك. ەكىنشىدەن، قاراسايەۆتىڭ قاي ۋاقىتتا قىزمەتتىك وكىلىن اسىرا پايدالانعانى ماڭىزدى. ەگەر قوقىس پوليگونى تۋرالى ايتار بولساق، ول 2019 جىلى كاسىپكەرلەرگە قولدانىسقا بەرىلگەن.
باعدات قاراسايەۆ جۇمىستان بوساتىلدى، سەبەبى ونىڭ قىزمەت ەتۋ مەرزىمى ءبىتتى. ايىپ تاعىلعانعا دەيىن ەكى جىلدىق جۇمىس مەرزىمى اياقتالعان. روتاسياعا سايكەس، ول ساياسي قىزمەتكەر بولعاندىقتان جۇمىس ىستەۋ مەزگىلى بار. مەرزىمى اياقتالعان سوڭ كەتتى"، دەيدى سۇلتانعازييەۆ.
مارات سۇلتانعازييەۆ باعدات قاراسايەۆتىڭ قىزمەتتىك مەرزىمى وعان ايىپ تاعىلىپ، ۇستالعانعا دەيىن اياقتالعانىن اتاپ ءوتتى. وبلىس اكىمى بۇل وقيعادان كەيىن ءوزىنىڭ وتستاۆكاعا كەتۋى نە كەتپەۋى تۋرالى پىكىر ءبىلدىردى.
"جالپى ايىپ تاعىلعاننان كەيىن ول قىزمەتكەر بولمادى. ارينە، زاڭعا باعىنامىز. ەگەر ءبىزدى دە جۇمىستان بوساتامىز دەسە، ساياسي قىزمەتكەر بولعاندىقتان ەشقانداي مەزگىلگە دە قارامايدى"، دەيدى مارات سۇلتانعازييەۆ.
ول ىلە اۋدانىنا جاڭا اكىم رەتىندە بىرنەشە كانديدات ۇسىنىلعانىن ايتادى.
"سوندىقتان ونىڭ ءوزىنىڭ ءراسىمى بار. سودان كەيىن تاعايىندالادى"، دەيدى وبلىس اكىمى.
