Almaty oblysy ákimdigi men máslıhatynyń "Alataý qalasynyń shekarasyn belgileý týraly" birlesken sheshimi ázirlendi, dep habarlaıdy Dalanews.kz.
Sheshimge sáıkes, Qonaev qalasynyń, İle, Talǵar aýdandarynyń jerleri jańa qalanyń aýmaǵyna beriledi.
"Alataý qalasynyń shekarasy, onyń shekarasyna Qonaev qalasy, İle jáne Talǵar aýdandary jerleriniń jalpy kólemi 88267,0086 gektar bólikterin qosý arqyly belgilensin", – delingen qujatta.
Atap aıtqanda, Alataý qalasynyń shekarasyna Qonaev qalasynyń 10937,0052 gektar jeri, İle aýdanynyń 65213,0004 gektar, Talǵar aýdanynyń 12117,003 gektar jeri kirmek.
Qujat "Ashyq NQA" saıtynda jarıalandy jáne 23 shildege deıin qoǵamdyq talqylaýda bolady.
