Elimizde «Kieli meken» ekonaýqany ótip jatyr. Atalǵan aktsiia mádeni muralar men eskertkishterdiń aýmaǵyn tazalap, abattandyrýǵa arnalǵan, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Bul baǵyttaǵy jumystar Almaty oblysy ortalyqtarynda da qarqyndy júrip jatyr. Búgin Abai Qunanbaiuly men Qonaev shaharynyń alǵash irgesin qalaýshylardyń qurmetine turǵyzylǵan eskertkishterdiń tóńiregi tazalandy.
Tarihqa kóz júgirtsek, 1963 jyly 23 qańtarynda qurylysshylardyń birinshi toby kelip, 1965 jylǵy 25 aqpanda Qapshaǵai GES-i qurylysy bastalǵan. Al 1970 jylǵy 9 shildede kartada Qapshaǵai qalasy paida boldy. 1980 jyly Qapshaǵai GES-i qoldanysqa berildi. Sondyqtan bul eskertkishtiń qala turǵyndary úshin mańyzy zor.
Al halyq danasy Abai Qunanbaiulynyń elge etken eńbegi jaily aitpasa da barshamyzǵa túsinikti. Shahar ardagerleri men jastar birlesip, 2 eskertkishtiń mańaiynan 15 qap qoqys shyǵardy. Aktsiiaǵa 100-ge jýyq adam qatysty.
Jalpy qala men oǵan qarasty aýyldyq okrýgterde 15 tarihi jáne mádeni eskertkishter bar. 1 apta ishinde tazalyq jumystarymen barlyq aimaq qamtylady dep josparlanǵan.
