Almaty oblystyq balyq aýlaý federatsiiasy Qonaev qalasy ákimdigimen birlesip, Qapshaǵai sý qoimasynda balyq aýlaýdan ashyq birinshilik uiymdastyrdy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Jarysqa Almaty oblysynyń birneshe óńirinen, sondai-aq Almaty jáne Qonaev qalalarynan balyqshylar qatysty. Barlyǵy 15 komanda (árqaisysy 3 adamnan) jeke jáne komandalyq esep boiynsha ózara synǵa tústi. Birinshilik 5 saǵatqa sozyldy. Jarys barysynda barlyq qaýipsizdik talaptary saqtaldy. Bul kúni muzdyń qalyńdyǵy 70 sm boldy.
Nátijesinde eń úlken balyqty aýlap, arn «Big Fish» arnaiy júldesin E. Kembaev jeńip aldy. Jeke esepte 1-oryndy K. Kýrbanov, 2-oryndy D. Kanavalov, 3-oryndy N. Shýliakov ielendi. Al komandalyq esepte «Qonaev-3» komandasy 3-oryndy, «Naýtilýs» komandasy 2-oryndy, al «Feeder.kz» komandasy 1-oryndy qanjyǵasyna bailady.
«Bizdiń federatsiia qurylǵanyna 1 jyldan endi asty. Osy ýaqyt ishinde múshelik etetin adamdar sany aitarlyqtai artty. Biz jylyna 6-7 ret balyq aýlaý jarysyn uiymdastyryp otyramyz. Bul joly bizge qoldaý kórsetken Qonaev qalasy ákimdigine alǵys bildiremiz», – dedi federatsiia basshysynyń orynbasary Damir Sergibaev.
Aita keteiik, balyqshylar demalystan keiin sý qoimasynyń ústindegi qoqystardy jinap ketýge mindetti. Tabiǵatqa janashyrlyq – ár demalýshynyń jaýapkershiliginen bastalady.
