Memleket basshysy aýyl sharýashylyǵy ónimderin tereń óńdeý isin damytýǵa basa mán bergen jón ekenin málimdedi. Bul týraly Prezident Qasym-Jomart Toqaev "Jańa tarihi kezeńdegi Qazaqstannyń ózekti mindetteri" atty Qazaqstan halqyna Joldaýynda aitty, dep habarlaidy dalanews.kz.
Qazirdiń ózinde bul baǵytta tabysty jobalar bar.
"Máselen, Qyzylorda oblysynyń sharýalary qatań klimatqa qaramastan júgeri men soia ósirip, ony óńdeýmen ainalysady. Al Túrkistan oblysynda qytai kompaniiasy sýdy tiimdi paidalanatyn zamanaýi maqta-toqyma klasterin quryp jatyr. Úkimet osyndai ozyq tájiribelerdiń el aýmaǵynda keń taraýyna jaǵdai jasap, investorlarǵa ýaqtyly qoldaý kórsetýi kerek. Sonymen qatar mundai zamanaýi tásilderdi mal sharýashylyǵynda da jan-jaqty paidalanǵan durys. Búginde Soltústik Qazaqstan oblysynyń tájiribesin basshylyqqa ala otyryp, elimizde 71 taýar-sút fermasy iske qosyldy. Bul fermalarda jyl saiyn 462 myń tonnadan astam sút óndiriledi. Aqmola oblysynda sheteldiń ozyq tájiribesine sai et klasteri qurylyp jatyr. Osyndai jobalardy qoldaýǵa bolady, qajetti jaǵdaida qarajat ta bólý kerek", - dedi Toqaev.
