Almaty, 8 aqpan - Baǵdarlamanyń tórtinshi kezeńi azamattyq qoǵamnyń tótenshe jáne daǵdarys jaǵdailarǵa innovatsiialyq jáne tiimdi áreket etý qabiletin tsifrlyq tehnologiialar men advokatsiia arqyly arttyrýǵa járdemdesýge baǵyttalǵan.
"Qolda 4.0" baiqaýyna qatysýǵa Qazaqstannyń túkpir-túkpirinen úkimettik emes uiymdar shaqyrylady. 2022 jyldyń sáýirinen qazan aiyna deiingi kezeńde jobalardyń iske asyrý merzimi 7 aiǵa deiingi 11 bastamany qoldaý josparlanyp jatyr.
Úkimettik emes uiymdardan ótinimder kelesi baǵyttar boiynsha qabyldanady:
- 1. Ekonomikalyq baǵyttaǵy jobalar;
2. Ekologiialyq baǵyttaǵy jobalar;
3. Qańtar oqiǵalarynan zardap shekken qalalar men áleýmettik nysandardy qalpyna keltirý boiynsha jobalar (Almaty q. jáne Ońtústik Qazaqstan).
Tolyǵyraq aqparatty baiqaýdyń https://qolda.org saitynan tabýǵa bolady. Ótinimdi jiberý merzimi 2022 jyldyń 28 aqpany saǵat 23.00-ge deiin (Nur-sultan q. ýaqyty boiynsha). Nátijesi 2022 jyldyń 18 naýryzynan keshiktirilmei jariialanady.
Suraqtar týyndaǵan jaǵdaida olardy kelesi elektrondy mekenjailarǵa jiberýińizdi ótinemiz: aliya@ef-ca.org, aizhan@ef-ca.org. Sondai-aq, barlyq múddeli uiymdardy jobanyń Telegram-arnasyna qosylýǵa shaqyramyz https://t.me/Qolda_project
Esińizge sala keteiik, 2020 jyldyń sáýir aiynan bastap Ortalyq Aziianyń Eýraziia Qory jáne "Shevron" kompaniiasy "Qolda" jedel kómek baǵdarlamasyn júzege asyryp keledi. Baǵdarlama maqsaty – halyqqa COVID-19 pandemiiasynyń jaǵymsyz saldaryn eńserýge kómektesý.
2020 jylǵy sáýirinen 2021 jylǵy jeltoqsanyna deiin "Qolda" Qazaqstan boiynsha 39 ÚEU jáne 7 BAQ jobalaryn qoldady. Benefitsiarlardyń jalpy sany 56 569 adamǵa jetti, ÚEU 6000 volonterdi jáne 182 seriktesti tartty. Baǵdarlamanyń negizgi kózdelgen aýditoriiasy – halyqtyń áleýmettik osal toptary, onyń ishinde kóp balaly az qamtylǵan otbasylar, múgedektigi bar balalarǵa ie otbasylar, muqtaj ardagerler men tyl eńbekkerleri, AITV-men ómir súretin adamdar, qaterli isikpen aýyratyn naýqastar, tolyq emes ne kóp balaly otbasysy bar buryn sottalǵan adamdar, turmystyq zorlyq-zombylyq qurbandary. Baǵdarlama aiasynda 4 ózara kómek kórsetý qoǵamdyq qyzmeti quryldy jáne eki mobildi qosymsha ázirlendi.
_________________________________
«Qolda» jedel kómek baǵdarlamasy Ortalyq Aziianyń Eýraziia Qory jáne "Shevron" kompaniiasynyń seriktestigimen júzege asyrylyp otyr.
Ortalyq Aziianyń Eýraziia Qory (OAEQ) - 2005 jyly aimaqta qurylǵan úkimettik emes uiym. OAEQ jergilikti qaýymdastyqtardy nyǵaitý men azamattyq jáne ekonomikalyq ál-aýqatyn jaqsartý arqyly, azamatttardyń óz bolashaǵyn qurýda belsendi qatysýǵa kómektesý úshin qoǵamdyq jáne jeke resýrstardy jumyldyrady.
«Shevron» - dúniejúzindegi jetekshi integratsiialanǵan energetikalyq kompaniialardyń biri. Biz tabysty da turaqty álem qurýda qoljetimdi, senimdi ári taza energiianyń róli zor dep sanaimyz. «Shevron» munai men tabiǵi gaz shyǵarady, transporttyq otyn, janar-jaǵarmai jáne munaihimiia ónimderin óndiredi, biznes pen salany jetildiretin tehnologiialardy damytady. Biz óz operatsiialarymyzdaǵy kómirtegi kólemin tómendetýge jáne dástúrli biznes baǵyttarymyzben qatar kómirtegi az biznesti damytýǵa umtylamyz. «Shevron» týraly qosymsha aqparatty www.chevron.com saitynan tabýǵa bolady.
