الماتى، 8 اقپان - باعدارلامانىڭ ءتورتىنشى كەزەڭى ازاماتتىق قوعامنىڭ توتەنشە جانە داعدارىس جاعدايلارعا يننوۆاسيالىق جانە ءتيىمدى ارەكەت ەتۋ قابىلەتىن سيفرلىق تەحنولوگيالار مەن ادۆوكاسيا ارقىلى ارتتىرۋعا جاردەمدەسۋگە باعىتتالعان.
"Qolda 4.0" بايقاۋىنا قاتىسۋعا قازاقستاننىڭ تۇكپىر-تۇكپىرىنەن ۇكىمەتتىك ەمەس ۇيىمدار شاقىرىلادى. 2022 جىلدىڭ ساۋىرىنەن قازان ايىنا دەيىنگى كەزەڭدە جوبالاردىڭ ىسكە اسىرۋ مەرزىمى 7 ايعا دەيىنگى 11 باستامانى قولداۋ جوسپارلانىپ جاتىر.
ۇكىمەتتىك ەمەس ۇيىمداردان وتىنىمدەر كەلەسى باعىتتار بويىنشا قابىلدانادى:
- 1. ەكونوميكالىق باعىتتاعى جوبالار؛
2. ەكولوگيالىق باعىتتاعى جوبالار؛
3. قاڭتار وقيعالارىنان زارداپ شەككەن قالالار مەن الەۋمەتتىك نىسانداردى قالپىنا كەلتىرۋ بويىنشا جوبالار (الماتى ق. جانە وڭتۇستىك قازاقستان).
تولىعىراق اقپاراتتى بايقاۋدىڭ https://qolda.org سايتىنان تابۋعا بولادى. ءوتىنىمدى جىبەرۋ مەرزىمى 2022 جىلدىڭ 28 اقپانى ساعات 23.00-گە دەيىن (نۇر-سۇلتان ق. ۋاقىتى بويىنشا). ناتيجەسى 2022 جىلدىڭ 18 ناۋرىزىنان كەشىكتىرىلمەي جاريالانادى.
سۇراقتار تۋىنداعان جاعدايدا ولاردى كەلەسى ەلەكتروندى مەكەنجايلارعا جىبەرۋىڭىزدى وتىنەمىز: aliya@ef-ca.org، aizhan@ef-ca.org. سونداي-اق، بارلىق مۇددەلى ۇيىمداردى جوبانىڭ Telegram-ارناسىنا قوسىلۋعا شاقىرامىز https://t.me/Qolda_project
ەسىڭىزگە سالا كەتەيىك، 2020 جىلدىڭ ءساۋىر ايىنان باستاپ ورتالىق ازيانىڭ ەۋرازيا قورى جانە "شيەۆرون" كومپانياسى "Qolda" جەدەل كومەك باعدارلاماسىن جۇزەگە اسىرىپ كەلەدى. باعدارلاما ماقساتى – حالىققا COVID-19 پاندەمياسىنىڭ جاعىمسىز سالدارىن ەڭسەرۋگە كومەكتەسۋ.
2020 جىلعى ساۋىرىنەن 2021 جىلعى جەلتوقسانىنا دەيىن "Qolda" قازاقستان بويىنشا 39 ۇەۇ جانە 7 ب ا ق جوبالارىن قولدادى. بەنەفيسيارلاردىڭ جالپى سانى 56 569 ادامعا جەتتى، ۇەۇ 6000 ۆولونتەردى جانە 182 سەرىكتەستى تارتتى. باعدارلامانىڭ نەگىزگى كوزدەلگەن اۋديتورياسى – حالىقتىڭ الەۋمەتتىك وسال توپتارى، ونىڭ ىشىندە كوپ بالالى از قامتىلعان وتباسىلار، مۇگەدەكتىگى بار بالالارعا يە وتباسىلار، مۇقتاج ارداگەرلەر مەن تىل ەڭبەككەرلەرى، ايتۆ-مەن ءومىر سۇرەتىن ادامدار، قاتەرلى ىسىكپەن اۋىراتىن ناۋقاستار، تولىق ەمەس نە كوپ بالالى وتباسىسى بار بۇرىن سوتتالعان ادامدار، تۇرمىستىق زورلىق-زومبىلىق قۇرباندارى. باعدارلاما اياسىندا 4 ءوزارا كومەك كورسەتۋ قوعامدىق قىزمەتى قۇرىلدى جانە ەكى ءموبيلدى قوسىمشا ازىرلەندى.
_________________________________
«Qolda» جەدەل كومەك باعدارلاماسى ورتالىق ازيانىڭ ەۋرازيا قورى جانە "شيەۆرون" كومپانياسىنىڭ سەرىكتەستىگىمەن جۇزەگە اسىرىلىپ وتىر.
ورتالىق ازيانىڭ ەۋرازيا قورى (واەق) - 2005 جىلى ايماقتا قۇرىلعان ۇكىمەتتىك ەمەس ۇيىم. واەق جەرگىلىكتى قاۋىمداستىقتاردى نىعايتۋ مەن ازاماتتىق جانە ەكونوميكالىق ءال-اۋقاتىن جاقسارتۋ ارقىلى، ازاماتتتاردىڭ ءوز بولاشاعىن قۇرۋدا بەلسەندى قاتىسۋعا كومەكتەسۋ ءۇشىن قوعامدىق جانە جەكە رەسۋرستاردى جۇمىلدىرادى.
«شيەۆرون» - دۇنيەجۇزىندەگى جەتەكشى ينتەگراسيالانعان ەنەرگەتيكالىق كومپانيالاردىڭ ءبىرى. ءبىز تابىستى دا تۇراقتى الەم قۇرۋدا قولجەتىمدى، سەنىمدى ءارى تازا ەنەرگيانىڭ ءرولى زور دەپ سانايمىز. «شيەۆرون» مۇناي مەن تابيعي گاز شىعارادى، ترانسپورتتىق وتىن، جانار-جاعارماي جانە مۇنايحيميا ونىمدەرىن وندىرەدى، بيزنەس پەن سالانى جەتىلدىرەتىن تەحنولوگيالاردى دامىتادى. ءبىز ءوز وپەراسيالارىمىزداعى كومىرتەگى كولەمىن تومەندەتۋگە جانە ءداستۇرلى بيزنەس باعىتتارىمىزبەن قاتار كومىرتەگى از بيزنەستى دامىتۋعا ۇمتىلامىز. «شيەۆرون» تۋرالى قوسىمشا اقپاراتتى www.chevron.com سايتىنان تابۋعا بولادى.
