"Qoja Ahmet Iassaýi mavzoleii IýNESKO álemdik murasynyń nysany retinde sheteldik týrister úshin tartylys kúshindei ekeni sózsiz. Endeshe eskertkishtiń, meilinshe, burynǵy keipinde saqtalýy mańyzdy dep esepteimiz. Ondaǵy rekreatsiialyq júktemeni eskere otyryp keseneni basqarý menedjmentine sandyq tehnologiiany endirý qajet", – dep sanaimyz dedi Janseiit Qanseiituly IýNESKO-nyń Almatydaǵy klasterlik biýrosynyń delegatsiiasymen kezdesýde.
Aita ketsek, osy jiynda meimandar oblys basshysymen birge Túrkistan oblysy men onyń ortalyǵy Túrkistan qalasynyń tarihi, qalalyq landshafttar máseleleri jóninde de áńgimelesken bolatyn. IýNESKO-nyń Q.A.Iassaýi keshenin naqty aýmaqtyq bailanystyrý jáne ony Túrkistan oblysynyń ortalyǵy retinde Túrkistan shaharynyń jalpy damý dinamikasyna biriktirý qajettigi týraly qorytyndyǵa kelgeni oblys úshin óte mańyzdy ekenin alǵa tartqan J.Túimebaev uiym tarapynan usynylatyn bastamalardy jan-jaqty, tolyq qoldaýǵa ázir ekenin jetkizdi.
Bul rette, naqty nátijege qol jetkizý úshin jumystardy sheberlik saǵaty, sarapshylar men mamandardyń basyn qosqan seminarlar túrinde uiymdastyrýdy usyndy.
– Túrkistan oblysy IýNESKO Biýrosymen tyǵyz bainalys ornatqan. Oǵan óńirimizdegi IýNESKO-nyń tizimine engen Aqsý-Jabaǵyly, Qarataý qoryqtary, Qoja Ahmet Iassaýi kesenesi men Sairam-Ógem ulttyq parkin dálel retinde keltirýge bolady. Bul bizdiń aimaqtyń tarihi-mádeni eskertkishterge bai ekenin kórsetedi. Mine, osy múmkindikterdi paidalana otyryp, oblystaǵy týrizm salasyn damytýdy kózdep otyrmyz. Sizderdi osy baǵytta túrli jobalardy birigip júzege asyrýǵa shaqyramyn, – dedi Janseiit Qanseiituly.
