"قوجا احمەت ياسساۋي ماۆزولەيى يۋنەسكو الەمدىك مۇراسىنىڭ نىسانى رەتىندە شەتەلدىك تۋريستەر ءۇشىن تارتىلىس كۇشىندەي ەكەنى ءسوزسىز. ەندەشە ەسكەرتكىشتىڭ، مەيلىنشە، بۇرىنعى كەيپىندە ساقتالۋى ماڭىزدى دەپ ەسەپتەيمىز. ونداعى رەكرەاسيالىق جۇكتەمەنى ەسكەرە وتىرىپ كەسەنەنى باسقارۋ مەنەدجمەنتىنە ساندىق تەحنولوگيانى ەندىرۋ قاجەت"، – دەپ سانايمىز دەدى جانسەيىت قانسەيىت ۇلى يۋنەسكو-نىڭ الماتىداعى كلاستەرلىك بيۋروسىنىڭ دەلەگاسياسىمەن كەزدەسۋدە.
ايتا كەتسەك، وسى جيىندا مەيماندار وبلىس باسشىسىمەن بىرگە تۇركىستان وبلىسى مەن ونىڭ ورتالىعى تۇركىستان قالاسىنىڭ تاريحي، قالالىق لاندشافتتار ماسەلەلەرى جونىندە دە اڭگىمەلەسكەن بولاتىن. يۋنەسكو-نىڭ ق.ا.ياسساۋي كەشەنىن ناقتى اۋماقتىق بايلانىستىرۋ جانە ونى تۇركىستان وبلىسىنىڭ ورتالىعى رەتىندە تۇركىستان شاھارىنىڭ جالپى دامۋ ديناميكاسىنا بىرىكتىرۋ قاجەتتىگى تۋرالى قورىتىندىعا كەلگەنى وبلىس ءۇشىن وتە ماڭىزدى ەكەنىن العا تارتقان ج.تۇيمەبايەۆ ۇيىم تاراپىنان ۇسىنىلاتىن باستامالاردى جان-جاقتى، تولىق قولداۋعا ءازىر ەكەنىن جەتكىزدى.
بۇل رەتتە، ناقتى ناتيجەگە قول جەتكىزۋ ءۇشىن جۇمىستاردى شەبەرلىك ساعاتى، ساراپشىلار مەن مامانداردىڭ باسىن قوسقان سەمينارلار تۇرىندە ۇيىمداستىرۋدى ۇسىندى.
– تۇركىستان وبلىسى يۋنەسكو بيۋروسىمەن تىعىز باينالىس ورناتقان. وعان وڭىرىمىزدەگى يۋنەسكو-نىڭ تىزىمىنە ەنگەن اقسۋ-جاباعىلى، قاراتاۋ قورىقتارى، قوجا احمەت ياسساۋي كەسەنەسى مەن سايرام-وگەم ۇلتتىق پاركىن دالەل رەتىندە كەلتىرۋگە بولادى. بۇل ءبىزدىڭ ايماقتىڭ تاريحي-مادەني ەسكەرتكىشتەرگە باي ەكەنىن كورسەتەدى. مىنە، وسى مۇمكىندىكتەردى پايدالانا وتىرىپ، وبلىستاعى تۋريزم سالاسىن دامىتۋدى كوزدەپ وتىرمىز. سىزدەردى وسى باعىتتا ءتۇرلى جوبالاردى بىرىگىپ جۇزەگە اسىرۋعا شاقىرامىن، – دەدى جانسەيىت قانسەيىت ۇلى.
