«Aýlalar men qoǵamdyq keńistikterdi abattandyrý boiynsha aýqymdy jumys júrip jatyr. Máselen biyl Baraev kóshesinde jaiaý júrginshiler joly, Beibitshilik jáne kelisim saraiynyń janynda amfiteatr, qaraýsyz qalǵan Jeruiyq-2 saiabaǵyndaǵy Dostyq gúlzary (QHA múshelerimen birge), muǵalimder saiabaǵy ashyldy, sol siiaqty qalalyq alań, oń jaǵalaýda barshaǵa belgili «Vstrecha» aýdany jáne t.b. abattandyryldy.
Qoǵamdyq keńistikter elordanyń kórkin arttyryp, qala turǵyndary men qonaqtary úshin tartymdy orynǵa ainaldy. Abattandyrý jumysy barlyq aýdanda, onyń ishinde eldi mekenderde de júrip jatyr.
Eldi mekenderdiń ózinde sońǵy jyldary 311 aýla men qoǵamdyq keńistik (saiabaqtar, gúlzarlar, jelekjoldar) abattandyryldy. Qalamyzda bas-aiaǵy 750-den asa aýla men qoǵamdyq keńistik abattandyryldy. Abattandyrý jumysy Memleket basshysynyń tapsyrmasy boiynsha «Nur-Sultan – jaily qala» master-jospary aiasynda júrgizilip jatyr.
Osyǵan deiin kópir astyndaǵy keńistikter abattandyrylyp, qutqarýshylardyń, meditsina qyzmetkerleriniń qurmetine arnalǵan arnaiy taqyryptyq alańdar, kóshe sportynyń kolizeii, «Teatralnyi» býlvary, «Demalys Promenade» demalys kúni kóshesi jáne t.b. ashyldy. Olardyń bári qala turǵyndary men qonaqtarynyń ýaqytyn tiimdi ótkizýine, jaiaý júrýine arnalǵan.
Qoǵamdyq keńistikter men aýlalarda árkim janyna jaqyn ispen ainalysa alady: basketbol/fýtbol alańdary, workout aimaǵy, demalysty tynysh orynda ótkizýge arnalǵan oryndar, balalarǵa arnalǵan alańdar, átkenshekter, shyǵarmashylyq qoiylymdarǵa arnalǵan sahnalar jáne t.b. ornalasqan», - dep jazdy elorda ákimi.
