«Samuryq-Qazyna» AQ Qoǵamdyq keńesiniń aldyndaǵy esebinde Samruk-Kazyna Trust» qorynyń bas dırektory Alfıa Adıeva 2021 jyly «Samruk-Kazyna Trust» qory bilim berý, densaýlyq saqtaý, mádenıet salalaryn jáne buqaralyq sport, áleýmettik kásipkerlikti damytý, halyqtyń áleýmettik osal toptaryn qoldaý, óńirlerdi keshendi órkendetý bastamalaryn qoldaǵanyn jetkizdi.
«Qordyń 2022 jylǵa arnalǵan Qaıyrymdylyq baǵdarlamasy 10 mıllıard teńgeni quraıdy. Onyń ishinde búginde 4,18 mlrd teńgeniń 14 jobasy maquldandy. Áleýmettik jobalardy qarjylandyrýǵa ótinimder «Samruk-Kazyna Trust» saıtynda ornalastyrylǵan qaıyrymdylyq kómek kórsetý erejesine sáıkes úkimettik emes uıymdardan qabyldanady. Sonymen qatar, «Samuryq-Qazyna» kásiporyndary bar óńirlerde ózimiz jobalardy júzege asyrýǵa bastama kótere alamyz», - dedi eseptik sózinde «Samruk-Kazyna Trust» qorynyń bas dırektory Alfıa Adıeva.
Maquldanǵan jobalar arasynda aýtıstik spektrdiń aýrýlary men mentaldi buzylystary bar balalarǵa arnalǵan 8 ortalyq qurý, damýy buzylǵan jáne olardyń týyndaý qaýpi bar balalarǵa erte dıagnostıkalyq jáne abılıtasıalyq kómek kórsetý boıynsha 13 erte aralasý ortalyǵyn qurý, sondaı-aq Atyraýda erekshe balalarǵa tegin kómek kórsetý bastamasy bar.
«Samruk-Kazyna Trust» qory búginde Qazaqstannyń shalǵaı eldimekenderine sapaly medısınalyq kómek kórsetý maqsatynda «Járdem» jáne «Salamatty Qazaqstan» poıyzdaryn tabysty iske qosyp, «Basqarylatyn gıpotermıa» ınovasıalyq jobasy aıasynda Qaraǵandyda 11 náresteniń ómiri qutqaryldy. Aldaǵy ýaqytta nárestelerdiń shetineýi men múgedektigin azaıtý nıetimen taǵy bes perınataldyq ortalyqty terapevtik keshendermen jabdyqtaý kózdelip otyr.
«Samuryq-Qazyna» qorynyń kásiporyndary bar óńirlerdi damytý aıasynda bıyl Jańaózen qalasynyń 3 mektebin jıhazben jáne ınteraktıvti paneldermen jabdyqtalsa, otbasylyq aýla klýbtaryn demeý arqyly halyqtyń áleýmettik osal toptarynan shyqqan balalar úshin túrli seksıalar uıymdastyrylýda. Shymkent qalasynda neıro-ortopedıalyq buzýshylyqtary bar balalardy ońaltý qolǵa alynbaq. «Balalarǵa ómir syıla», «Aýtızmdi jeńemiz!», «Jetim balalarsyz Qazaqstan» jobalary da jalǵasyn tappaq. Aǵa býyn ókilderine qamqorlyq tanytýda «Taǵylym» jáne «Jeńis» jobalary júrgizilip, aýyldyq jerlerdegi balalardy sportqa baýla «Batyr bolamyn!» jobasynyń arqasynda 20 sportzal ashylmaq. Budan basqa, «Samruk-Kazyna Trust» memlekettik tildiń kókjegin keńeıtýde «Soyle» jobasyn qoldaýdy jón dep tapty.
