Birneshe kúnge sozylǵan lektoriidiń qortyndy jiyny búgin Óskemen qalasyndaǵy «Dostyq úiinde» túiindeldi.
Alqaly basqosýdy ashyp, oiyn ortaǵa salǵan ShQO ákiminiń orynbasary Azamat Muhamedchin elimizdegi ultaralyq tatýlyq máselesi eshqashan óziniń ózektiligin joǵaltpaǵanyn alǵa tartty.
Elimiz táýelsizdigin alǵan tusta birqatar eýropalyq saiasattanýshylar Qazaqstan óziniń táýelsizdigin saqtai almaýy múmkin, óitkeni respýblikada 130 astam ulttyń ókilderi ómir súredi, olardyń arasynda dúrdarazdyq týyndaýy yqtimal dep oi aitqan-dy.
Biraq Elbasy Nursultan Nazarbaevtyń kóregendi saiasatynyń arqasynda kópulttylyq elimizdiń negizgi qundylyqtaryna ainalyp, ortaq maqsatqa uiysyp, Qazaqstan óziniń jolyn qalyptastyrǵany belgili.
– Táýelsizdiktiń 30 jyldyǵynda elimizde jańa ekonomikalyq júieniń irgetasy qalanyp, qazaqstandyqtardyń ómir súrý standarttary úlken ózgeristi bastan keshti. El azamattary ulatarlyq jáne konfessiiaaralyq kelsimderdiń mańyzyn jete túsingenin atap aitýǵa bolady. Qazirgi tańda Shyǵys Qazaqstan oblysynda 105 ult pen 13 konfessiianyń ókilderi tatý-tátti ǵumyr keshýde. Búginde «Dostyq úiinde» ózge ult ókilderi óz oilaryn aityp, tyń basamalaryn usynyp keledi. Qazaqstannyń ultaralyq tatýlyqtyń altyn besigine ainalýyna Qazaqstannyń Tuńǵysh Prezidenti, kóregendi saiasatker Elbasy Nursultan Nazarbaev pen Memleket basshysy Qasym-Jomart Toqaevtyń eńbegi zor, – dep atap ótti Azamat Muhamedchin.
Alqaly basqosýda QR Parlamenti Májilisiniń depýtaty Natalia Dementeva da Táýelsizdik jyldary Qazaqstannyń kópultty saiasatynyń jemisti bolýynyń syrmen bólisip, QR Tuńǵysh Prezidenti, Elbasy Nursultan Nazarbaev toqsanynshy jyldary qazaq jerin mekendegen ózge ult ókilderiniń ulty men dinine qarap bólmei barsha el azamattarynyń quqynyń saqtalýyna jáne elimizde toleranttylyqtyń saltanat qurýyna bar kúsh-qairatyn jumsaǵanyn tilge tiek etti.
– Búginde qasietti qazaq jerinde taǵdyr qosqan kóptegen ult ókilderi tatý-tátti ómir súrip keledi. Biz ártúrli bolǵanymyzben qundylyǵymyz ortaq. Basty qundylyǵymyz – ultaralyq tatýlyq pen qoǵamdyq kelsim ortaq Otanymyz Qazaqstandy biik belesterge bastap keledi. Qazir jyl ótken saiyn memlekettik tilde sóileitin ózge ult ókilderiniń sany artýda. Qazaq tilin meńgerý úshin eń bastysy niet qajet. Al múmkindiktiń bárin memleket jasap qoiǵan, – dedi Natalia Dementeva.
Jiyn barysynda sóz alǵan Májilis depýtaty Olga Býlavkina da qazirgi tańda Prezidentimiz Qasym-Jomart Toqaev ta el ómirinde ultaralyq tatýlyqty saqtaýǵa basa mán berip, bul baǵatty jumys istep jatqanyn alǵa tartty.
Osylaisha Shyǵys Qazaqstanda ótken respýblikalyq lektorii barysynda oǵan qatysýshylar ultarylyq tatýlyqty saqtaýdyń memleket úshin qanshalyqty mańyzdy ekenin alǵa tartyp, óz oilaryn ortaǵa saldy.
