Is-sharaǵa QR Sybailas jemqorlyqqa qarsy is-qimyl agenttiginiń «Sanaly urpaq» respýblikalyq jobalyq keńsesiniń jetekshisi Qaiyrjan Tokýshev, Abai atyndaǵy QazUPÝ-dyń Ardagerler keńesiniń tóraǵasy Berikjan Álmuhambetov, «Ulttyq tárbie» ortalyǵynyń jetekshisi Bahytjan Saparov, «Rýhani jańǵyrý» jobalyq keńsesiniń jetekshisi Rashid Seitov, sybailas jemqorlyqqa qarsy komplaens qyzmetiniń komplaens-ofitseri Qambar Ýsipov, sonymen qatar institýt direktorlarynyń tárbie isi jónindegi orynbasarlary men bilim alýshylary qatysty.
Komplaens-ofitser Qambar Ýsipov kirispe sózinde, 2003 jyly 9 jeltoqsanda BUU Bas Assambleiasynda sybailas jemqorlyqqa qarsy BUU Konventsiiasyna 140-qa jýyq memleket qol qoiyp, qazir 80-ge jýyq memleket ony ratifikatsiialady, Qazaqstan osy Konventsiiany 2008 jylǵy mamyrda ratifikatsiialaǵany týraly aqparat berdi. Konventsiianyń maqsaty - sybailas jemqorlyqtyń aldyn alý jáne ony joiý boldy.
Qazaqstan óz táýelsizdiginiń alǵashqy kúnderinen bastap sybailas jemqorlyqqa qarsy ymyrasyz kúres júrgizýde. Prezidentimiz «Buqaralyq sanaǵa «Jemqorlyq – indet, onymen kúresý – mindet» qaǵidatyn engizýmen barlyq memlekettik organdar birlesip ainalysýǵa tiis» – dep aitqany esimizde.
Bizdiń elimizde sońǵy jyldary bul baǵytta mańyzdy qadamdar jasalýda. Sottarǵa, quqyq qorǵaý organdaryna, paraqorlar men deldaldarǵa qatań jaza qoldanylady. Sybailas jemqorlyq áreketi úshin sottalǵan azamattardy merziminen buryn shartty túrde bosatýǵa tyiym salyndy. Ótken jyldan bastap kiristerdi jalpyǵa birdei deklaratsiialaý engizildi.
Biyl aqpan aiynda Sybailas jemqorlyqqa qarsy saiasat Tujyrymdamasy bekitildi. Túpki maqsat-sybailas jemqorlyqtan taza qoǵam qalyptastyrý. Bul jolda azamattar arasynda aqparattyq-túsindirý jumystaryn kúsheitý, barlyq qoǵamdy sybailas jemqorlyqqa qarsy kúreske jumyldyrý óte mańyzdy.
