ءىس-شاراعا ق ر سىبايلاس جەمقورلىققا قارسى ءىس-قيمىل اگەنتتىگىنىڭ «Sanaly urpaq» رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشيەۆ، اباي اتىنداعى قازۇپۋ-دىڭ ارداگەرلەر كەڭەسىنىڭ ءتوراعاسى بەرىكجان المۇحامبەتوۆ، «ۇلتتىق تاربيە» ورتالىعىنىڭ جەتەكشىسى باحىتجان ساپاروۆ، «رۋحاني جاڭعىرۋ» جوبالىق كەڭسەسىنىڭ جەتەكشىسى راشيد سەيتوۆ، سىبايلاس جەمقورلىققا قارسى كومپلاەنس قىزمەتىنىڭ كومپلاەنس-وفيسەرى قامبار ۋسيپوۆ، سونىمەن قاتار ينستيتۋت ديرەكتورلارىنىڭ تاربيە ءىسى جونىندەگى ورىنباسارلارى مەن ءبىلىم الۋشىلارى قاتىستى.
كومپلاەنس-وفيسەر قامبار ۋسيپوۆ كىرىسپە سوزىندە، 2003 جىلى 9 جەلتوقساندا بۇۇ باس اسسامبلەياسىندا سىبايلاس جەمقورلىققا قارسى بۇۇ كونۆەنسياسىنا 140-قا جۋىق مەملەكەت قول قويىپ، ءقازىر 80-گە جۋىق مەملەكەت ونى راتيفيكاسيالادى، قازاقستان وسى كونۆەنسيانى 2008 جىلعى مامىردا راتيفيكاسيالاعانى تۋرالى اقپارات بەردى. كونۆەنسيانىڭ ماقساتى - سىبايلاس جەمقورلىقتىڭ الدىن الۋ جانە ونى جويۋ بولدى.
قازاقستان ءوز تاۋەلسىزدىگىنىڭ العاشقى كۇندەرىنەن باستاپ سىبايلاس جەمقورلىققا قارسى ىمىراسىز كۇرەس جۇرگىزۋدە. پرەزيدەنتىمىز «بۇقارالىق ساناعا «جەمقورلىق – ىندەت، ونىمەن كۇرەسۋ – مىندەت» قاعيداتىن ەنگىزۋمەن بارلىق مەملەكەتتىك ورگاندار بىرلەسىپ اينالىسۋعا ءتيىس» – دەپ ايتقانى ەسىمىزدە.
ءبىزدىڭ ەلىمىزدە سوڭعى جىلدارى بۇل باعىتتا ماڭىزدى قادامدار جاسالۋدا. سوتتارعا، قۇقىق قورعاۋ ورگاندارىنا، پاراقورلار مەن دەلدالدارعا قاتاڭ جازا قولدانىلادى. سىبايلاس جەمقورلىق ارەكەتى ءۇشىن سوتتالعان ازاماتتاردى مەرزىمىنەن بۇرىن شارتتى تۇردە بوساتۋعا تىيىم سالىندى. وتكەن جىلدان باستاپ كىرىستەردى جالپىعا بىردەي دەكلاراسيالاۋ ەنگىزىلدى.
بيىل اقپان ايىندا سىبايلاس جەمقورلىققا قارسى ساياسات تۇجىرىمداماسى بەكىتىلدى. تۇپكى ماقسات-سىبايلاس جەمقورلىقتان تازا قوعام قالىپتاستىرۋ. بۇل جولدا ازاماتتار اراسىندا ءاقپاراتتىق-تۇسىندىرۋ جۇمىستارىن كۇشەيتۋ، بارلىق قوعامدى سىبايلاس جەمقورلىققا قارسى كۇرەسكە جۇمىلدىرۋ وتە ماڭىزدى.
