QMG «Qarashyǵanaq» jobasyndaǵy «Lýkoil» úlesin satyp alady degen aqparatty joqqa shyǵardy, dep habarlaidy Dalanews.kz.
«QazMunaiGaz» (QMG) ulttyq kompaniiasy reseilik «Lýkoil» kompaniiasynyń Qarashyǵanaq jobasyndaǵy úlesin satyp alýdy josparlap otyr degen aqparatty joqqa shyǵardy, dep habarlady kompaniianyń baspasóz qyzmeti.
«Birqatar BAQ-ta QazMunaiGazdyń Qarashyǵanaq jobasynda “Lýkoil” úlesin satyp alýy múmkin degen aqparat jariialanýda. Bul aqparat shyndyqqa sáikes kelmeidi. Sonymen qatar KMG seriktestermen birge Qarashyǵanaq jobasyna sanktsiialyq shekteýlerdiń yqpalyn turaqty jáne keshendi túrde taldap otyrady», – delingen habarlamada.
