"QazMunaiGaz" UK AQ Basqarma tóraǵasy A.Hasenov jáne Qazaqstan Respýblikasy Parlamenti Májilisiniń Ekologiia jáne tabiǵatty paidalaný máseleleri jónindegi komitetiniń tóraǵasy E.Jańbyrshin "QazGÓZ" JShS jáne Jańaózen qalasyndaǵy jańa gaz óńdeý zaýytynyń qurylys alańyna bardy, dep habarlaidy Dalanews.kz.
Sapar barysynda A. Hasenov QazGÓZ basshylyǵymen jáne salynyp jatqan zaýyt Direktsiiasymen jinalys ótkizdi. Keńeste QazGÓZ-diń óndiristik-sharýashylyq qyzmetine qatysty máseleler jáne Jańaózendegi jańa GÓZ salý jobasynyń oryndalý statýsy talqylandy.
2024 jyldyń 6 aiynda QazGÓZ shamamen 407,8 mln m3 shiki gaz óńdep, 339,1 mln m3 taýarlyq gaz, 97,6 myń tonna suiytylǵan munai gazyn, 26,5 myń tonna pentan-geksan fraktsiiasyn, 0,8 myń tonna pesh otynyn óndirip shyǵardy. Zaýyt kóptegen kórsetkishter boiynsha óndiris kólemin asyra oryndady.
QMG basshysy bekitilgen óndiristik jospardy oryndaý, ónerkásiptik qaýipsizdikti jáne eńbekti qorǵaýdy qamtamasyz etý qajettiligine nazar aýdardy. Sonymen birge óńirdi otynmen jáne suiytylǵan munai gazymen úzdiksiz qamtý maqsatynda qoldanystaǵy jáne jańa GÓZ-diń úilesimdi jumysyn uiymdastyrýdyń mańyzdylyǵyn atap ótti.
Óz kezeginde E. Jańbyrshin ekologiialyq standarttar men eńbekti qorǵaý talaptaryn qatań saqtaý qajettiligine, sondai-aq óńirdiń turaqty damýy men halyqtyń múddesin qorǵaý úshin depýtattyq baqylaý men atalmysh jobalardy qoldaýdyń mańyzdylyǵyn atap ótti.
2024 jyldyń sońyna deiin shamamen 838 mln m3 shiki gaz óńdeý, 698 mln m3 taýarlyq gaz, 192 myń tonna suiytylǵan munai gazyn, 56 myń tonna pentan-geksan fraktsiiasyn, 1,3 myń tonna pesh otynyn shyǵarý josparda.
Jiyn qorytyndysy boiynsha óńirdi energiiamen úzdiksiz qamtamasyz etý maqsatynda jańa zaýytty jospar boiynsha merziminde paidalanýǵa berýdiń mańyzdylyǵyna basa nazar aýdaryldy.
