QMDB Quran súresin rep etip oqyǵan blogerge qatysty málimdeme jasady, dep habarlaidy Dalanews.kz.
Áleýmettik jelide kúlli musylman qaýymy úshin qasietti bolǵan Quran Kárimdi órteý oqiǵasyna qatysty beine material taralýda.
"Eń ókinishtisi, bul áreket áleýmettik jeli qoldanýshylary úshin chellendj sekildi usynylyp otyr. Sondai-aq otandyq blogerdiń Quran aiattaryn, naqty aitqanda «Maǵýn» súresin áldebir merekelik keshte oqyǵan videosy jariialandy. Kontentti usynýshylar «Bloger mas kúiinde Qurandy rep qylyp oqyp, jurtty shoshytty» dep jazdy.
Qazaqstan musylmandary dini basqarmasy mundai shekten shyqqan áreketterge alańdaýshylyq bildiredi jáne olardyń isin qatań aiyptaidy, sonymen qatar azamattardy búlikshilerdiń arandatýyna aldanyp qalmaýǵa úndeidi", delingen habarlamada.
Eske salaiyq, áleýmettik jelide "Jýzefina" laqap atymen tanymal bloger Juldyz Jaýynbaeva merekelik keshte Quran súresin rep etip oqyp, onyń videosy jelide tarap ketken bolatyn. Jeli qoldanýshylary blogerdiń bul áreketin qatań synap, keiin bloger bul áreketi úshin barsha musylmannan video formatta keshirim surady.
