Qazaqstan musylmandary dini basqarmasy orazada azyq-túlikti qymbattatpaýǵa, araq-sharap satpaýǵa shaqyrdy, dep habarlaidy Dalanews.kz.
Bas múfti Naýryzbai qajy Taǵanuly kásipkerlerge ún qatty.
"Kásipkerlerdi áleýmettik mańyzy bar azyq-túlik baǵasyna jeńildik jasaýǵa úndeimin. Ramazan aiyna týra kelgen qudaiy astardy aýyzashar ýaqytynda ótkizip, kóbirek saýap alýǵa tyrysaiyq. Qoǵamdyq tamaqtaný oryndarynda aýyzashar mázirin halyqqa yńǵaily baǵamen usyný da saýapty istiń biri. Dúkenderde kúlli jamandyqtyń bastaýy bolǵan araq-sharap satylmasa degen tilegimizdi jetkizemiz", - dedi ol.
Eske salaiyq, buǵan deiin Qazaqstan musylmandary dini basqarmasy bekitken Ramazan aiynyń kestesi jariialandy. Bul týraly elordada Ramazan aiyna orai ótken tóralqa májilisinde Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly málimdedi.
"Biz Túrki memleketteri uiymyna qarasty múftiler alqasy janyndaǵy pátýa keńesin jáne ǵylymi zertteýler nátijesin eskerip, ortaq sheshim qabyldadyq. Alla qalasa, biyl Ramazan aiy 19 aqpanda bastalady. Al naýryz aiynyń 16-synan 17-sine qaraǵan tún – qasietti Qadir túni. 20 naýryz – oraza ait merekesi", - dedi buǵan deiin Naýryzbai qajy Taǵanuly.
