Jýrnalist Gúlbaný Ábenova Qazaqstandaǵy joǵary laýazymdy sheneýnikter men olardyń balalarynyń qoǵamnan alshaq ómir súrip jatqanyn aityp, aýyr synǵa toly jazba jariialady. Ol bul jaǵdaidyń sońy jasóspirimder arasyndaǵy qatygez býllingke, tipti sýitsidke deiin alyp kelip jatqanyn málimdedi, dep habarlaidy Dalanews.kz.
Jýrnalistiń aitýynsha, jylyna 25 myń dollar turatyn jekemenshik mektepterde oqityn ákimderdiń balalary qarapaiym qazaqstandyq otbasylardyń kúndelikti ómirinen múlde beihabar.
«Balalary jylyna 25 myń dollar turatyn jekemenshik mektepterde oqityn ákimder Qazaqstandaǵy shynaiy orta bilim berý júiesiniń qandai ekenin bilmeidi. Olar qarapaiym ata-ana men balanyń kún saiyn qandai máselemen betpe-bet keletininen beihabar», - dep jazdy Gúlbaný Ábenova.
Onyń pikirinshe, mundai sheneýnikter eldegi bilim júiesin basqarýǵa moraldyq quqyǵy joq.
«Olar shynaiy ómirden alshaq. Sondyqtan tek esep pen prezentatsiiadan ǵana biletin júieni basqarýǵa olardyń moraldyq quqyǵy joq», - deidi jýrnalist.
«Bul balalar Qazaqstannan tys ómir súrip jatqandai»
Gúlbaný Ábenova jazbasynda joǵary laýazymdy tulǵalardyń balalary da shynaiy ómirden alshaq ósip jatqanyn atap ótedi.
Onyń sózinshe, bul balalar týǵan sátten bastap jeke kútýshilerdiń, qyzmetshilerdiń, aspazdar men úi qyzmetkerleriniń ortasynda tárbielenedi.
«Olar óz ydysyn jýmaidy, bólmesin jinamaidy. Ortasha qazaqstandyq otbasynyń qalai ómir súretinin múlde túsinbeidi», - dep jazady ol.
Jýrnalist bul balalar barlyq qaýipten aldyn ala qorǵalǵan VIP-ata-analardyń qamqorlyǵynda ósetinin aitady.
«Olar Qazaqstanda emes, basqa bir álemde ómir súrip jatqandai áser qaldyrady», - deidi Ábenova.
Qatygez býlling qaidan shyǵady?
Osy tusta jýrnalist qoǵamdy tolǵandyrǵan ótkir suraq qoidy:
«Olarǵa ne jetispeidi? Nege joǵary laýazymdy sheneýnikterdiń balalary óz qurbylaryn sýitsidke deiin jetkizetin qatygez býllingtiń qatysýshysyna ainalady?»
Ol «elge qundylyq úiretip otyrǵan adamdardyń óz otbasynda ne bolyp jatyr?» degen saýal tastaidy.
Jýrnalistiń pikirinshe, memlekettik qyzmettegi bassyzdyq tek kabinetterde emes, otbasynan bastalady.
«Shekten shyqqandyq tek jumys ornynda emes. Ol eń aldymen otbasynda bastalady. Biraq mundai adamdar kreslosyna jabysyp, bizdi basqaryp otyr», - dep jazady ol.
«Olarǵa memlekettik qyzmet ne úshin kerek?»
Gúlbaný Ábenova joǵary laýazymdy tulǵalardyń bailyǵyna da nazar aýdarady. Onyń aitýynsha, kópshiliginiń biznesi, aktivteri, yqpaly bar, milliarder atanǵandar da jeterlik.
«Olarǵa memlekettik qyzmet ne úshin qajet? Aqsha jetpei me? Álde sheneýniktiń kreslosynda otyrsań, biznes jaqsy júre me?» - dep jazady jýrnalist.
Ol bul suraqtyń jaýaby aiqyn ekenin atap ótedi.
«Olar bul qyzmetke halyq úshin de, memleket úshin de kelgen joq. Sebebi el azamattarynyń qalai ómir súrip jatqanynan múlde habary joq adamdardan esh paida joq», - deidi ol.
Almatydaǵy qaiǵyly jaǵdai
Jýrnalist jazbasyn Almatyda jansaqtaý bóliminde jatqan jasóspirim qyzǵa tilektestikpen aiaqtaidy.
«Almatydaǵy reanimatsiiada jatqan qyz balanyń saýyǵyp ketýin tileimin», - dep jazdy ol.
Qyzdyń ata-anasynyń aitýynsha, birneshe aiǵa sozylǵan býllingtiń artynda Almatynyń burynǵy ákiminiń 14 jastaǵy qyzy turǵan.
Atalǵan derek resmi túrde áli rastalmaǵan. Quzyrly organdar oqiǵanyń barlyq mán-jaiyn anyqtap jatyr.
