جۋرناليست گٷلبانۋ ەبەنوۆا قازاقستانداعى جوعارى لاۋازىمدى شەنەۋنٸكتەر مەن ولاردىڭ بالالارىنىڭ قوعامنان الشاق ٶمٸر سٷرٸپ جاتقانىن ايتىپ, اۋىر سىنعا تولى جازبا جارييالادى. ول بۇل جاعدايدىڭ سوڭى جاسٶسپٸرٸمدەر اراسىنداعى قاتىگەز بۋللينگكە, تٸپتٸ سۋيتسيدكە دەيٸن الىپ كەلٸپ جاتقانىن مەلٸمدەدٸ, دەپ حابارلايدى Dalanews.kz.
جۋرناليستٸڭ ايتۋىنشا, جىلىنا 25 مىڭ دوللار تۇراتىن جەكەمەنشٸك مەكتەپتەردە وقيتىن ەكٸمدەردٸڭ بالالارى قاراپايىم قازاقستاندىق وتباسىلاردىڭ كٷندەلٸكتٸ ٶمٸرٸنەن مٷلدە بەيحابار.
«بالالارى جىلىنا 25 مىڭ دوللار تۇراتىن جەكەمەنشٸك مەكتەپتەردە وقيتىن ەكٸمدەر قازاقستانداعى شىنايى ورتا بٸلٸم بەرۋ جٷيەسٸنٸڭ قانداي ەكەنٸن بٸلمەيدٸ. ولار قاراپايىم اتا-انا مەن بالانىڭ كٷن سايىن قانداي مەسەلەمەن بەتپە-بەت كەلەتٸنٸنەن بەيحابار», - دەپ جازدى گٷلبانۋ ەبەنوۆا.
ونىڭ پٸكٸرٸنشە, مۇنداي شەنەۋنٸكتەر ەلدەگٸ بٸلٸم جٷيەسٸن باسقارۋعا مورالدىق قۇقىعى جوق.
«ولار شىنايى ٶمٸردەن الشاق. سوندىقتان تەك ەسەپ پەن پرەزەنتاتسييادان عانا بٸلەتٸن جٷيەنٸ باسقارۋعا ولاردىڭ مورالدىق قۇقىعى جوق», - دەيدٸ جۋرناليست.
«بۇل بالالار قازاقستاننان تىس ٶمٸر سٷرٸپ جاتقانداي»
گٷلبانۋ ەبەنوۆا جازباسىندا جوعارى لاۋازىمدى تۇلعالاردىڭ بالالارى دا شىنايى ٶمٸردەن الشاق ٶسٸپ جاتقانىن اتاپ ٶتەدٸ.
ونىڭ سٶزٸنشە, بۇل بالالار تۋعان سەتتەن باستاپ جەكە كٷتۋشٸلەردٸڭ, قىزمەتشٸلەردٸڭ, اسپازدار مەن ٷي قىزمەتكەرلەرٸنٸڭ ورتاسىندا تەربيەلەنەدٸ.
«ولار ٶز ىدىسىن جۋمايدى, بٶلمەسٸن جينامايدى. ورتاشا قازاقستاندىق وتباسىنىڭ قالاي ٶمٸر سٷرەتٸنٸن مٷلدە تٷسٸنبەيدٸ», - دەپ جازادى ول.
جۋرناليست بۇل بالالار بارلىق قاۋٸپتەن الدىن الا قورعالعان VIP-اتا-انالاردىڭ قامقورلىعىندا ٶسەتٸنٸن ايتادى.
«ولار قازاقستاندا ەمەس, باسقا بٸر ەلەمدە ٶمٸر سٷرٸپ جاتقانداي ەسەر قالدىرادى», - دەيدٸ ەبەنوۆا.
قاتىگەز بۋللينگ قايدان شىعادى?
وسى تۇستا جۋرناليست قوعامدى تولعاندىرعان ٶتكٸر سۇراق قويدى:
«ولارعا نە جەتٸسپەيدٸ? نەگە جوعارى لاۋازىمدى شەنەۋنٸكتەردٸڭ بالالارى ٶز قۇربىلارىن سۋيتسيدكە دەيٸن جەتكٸزەتٸن قاتىگەز بۋللينگتٸڭ قاتىسۋشىسىنا اينالادى?»
ول «ەلگە قۇندىلىق ٷيرەتٸپ وتىرعان ادامداردىڭ ٶز وتباسىندا نە بولىپ جاتىر?» دەگەن ساۋال تاستايدى.
جۋرناليستٸڭ پٸكٸرٸنشە, مەملەكەتتٸك قىزمەتتەگٸ باسسىزدىق تەك كابينەتتەردە ەمەس, وتباسىنان باستالادى.
«شەكتەن شىققاندىق تەك جۇمىس ورنىندا ەمەس. ول ەڭ الدىمەن وتباسىندا باستالادى. بٸراق مۇنداي ادامدار كرەسلوسىنا جابىسىپ, بٸزدٸ باسقارىپ وتىر», - دەپ جازادى ول.
«ولارعا مەملەكەتتٸك قىزمەت نە ٷشٸن كەرەك?»
گٷلبانۋ ەبەنوۆا جوعارى لاۋازىمدى تۇلعالاردىڭ بايلىعىنا دا نازار اۋدارادى. ونىڭ ايتۋىنشا, كٶپشٸلٸگٸنٸڭ بيزنەسٸ, اكتيۆتەرٸ, ىقپالى بار, ميللياردەر اتانعاندار دا جەتەرلٸك.
«ولارعا مەملەكەتتٸك قىزمەت نە ٷشٸن قاجەت? اقشا جەتپەي مە? ەلدە شەنەۋنٸكتٸڭ كرەسلوسىندا وتىرساڭ, بيزنەس جاقسى جٷرە مە?» - دەپ جازادى جۋرناليست.
ول بۇل سۇراقتىڭ جاۋابى ايقىن ەكەنٸن اتاپ ٶتەدٸ.
«ولار بۇل قىزمەتكە حالىق ٷشٸن دە, مەملەكەت ٷشٸن دە كەلگەن جوق. سەبەبٸ ەل ازاماتتارىنىڭ قالاي ٶمٸر سٷرٸپ جاتقانىنان مٷلدە حابارى جوق ادامداردان ەش پايدا جوق», - دەيدٸ ول.
الماتىداعى قايعىلى جاعداي
جۋرناليست جازباسىن الماتىدا جانساقتاۋ بٶلٸمٸندە جاتقان جاسٶسپٸرٸم قىزعا تٸلەكتەستٸكپەن اياقتايدى.
«الماتىداعى رەانيماتسييادا جاتقان قىز بالانىڭ ساۋىعىپ كەتۋٸن تٸلەيمٸن», - دەپ جازدى ول.
قىزدىڭ اتا-اناسىنىڭ ايتۋىنشا, بٸرنەشە ايعا سوزىلعان بۋللينگتٸڭ ارتىندا الماتىنىڭ بۇرىنعى ەكٸمٸنٸڭ 14 جاستاعى قىزى تۇرعان.
اتالعان دەرەك رەسمي تٷردە ەلٸ راستالماعان. قۇزىرلى ورگاندار وقيعانىڭ بارلىق مەن-جايىن انىقتاپ جاتىر.
