Túrkistanda eki balasyn óltirgen áielge bailanysty tyń derekter paida boldy. Ol bilim berý uiymynda 10 jyldan beri jumys istep kelgen. Bul aqparatty Qyzylorda oblystyq bilim basqarmasynyń basshysy Asqarbek Esjanov rastady, dep habarlaidy Dalanews.kz.
Esjanovtyń aitýynsha, balalaryn óltirdi degen kúdikti eshqandai dispanserlik esepte turmaǵan. Áriptesterimen, ata-analarmen jáne oqýshylarmen qarym-qatynasy jaqsy bolǵan.
“Túrkistanda bolǵan balalar ólimine qatysty kúdikti Shieli aýdanyndaǵy bilim berý uiymynda 2014 jyldan beri muǵalim qyzmetin atqaryp kelgen. Oqiǵa bolǵan 7 aqpan kúni mektep ákimshiligine eskertpesten jumysqa barmaǵan. Mektep ákimshiligi kúdiktiniń ujym, ata-analar jáne oqýshylarmen til tabysýy, jaily minezimen erekshelengenin aitady” - deidi basqarma bssshysy.
Sonymen qatar ol pedagogikalyq qyzmetinde balalardy oqytý men tárbieleýde birqatar jetistikke jetkenin de alǵa tartty.
“Tiisti alǵys hattarmen marapattalǵan. Áriptesteriniń aitýynsha, minezinde eshqandai aýytqý bolmaǵan. Ózi tolyqqandy otbasy, ata-enesi, jubaiymen birge turǵan. Qazir ishki ister organdarynda bul boiynsha qylmystyq is tirkelgen. Qorytyndysy tergeý amaldarynan keiin belgili bolady, - dedi basqarma basshysy.
Eske salaiyq, 7 aqpanda Túrkistanda áiel jaldamaly páterde eki balasyn jastyqpen tunshyqtyryp óltirgen bolatyn.
