Qyzylordadaǵy «Óner ortalyǵynda» oblys ákimi Nurlybek Nálibaevtyń qatysýymen «Zań jáne Tártip» qoǵamdyq qaýipsizdikti kúsheitý men ózara is-qimyldyń basymdyqtary» taqyrybynda forým ótti,- dep habarlaidy Dalanews.kz
Alqaly jiynǵa QR Parlament Senaty men Májilisiniń depýtattary Naýryzbai Baiqadamov, Murat Ábenov, Marhabat Jaiymbetov, Abzal Quspan, oblys prokýrory Rizabek Ojarov, quqyq qorǵaý organdary men jaýapty sala basshylary, qoǵam qairatkerleri, ziialy qaýym ókilderi qatysty.
Aimaq basshysy qoǵamdyq qaýipsizdik pen zańdylyqty qamtamasyz etý baǵytynda atqarylǵan jumystarǵa toqtalyp, aldaǵy birlesken mańyzdy mindetterdi aiqyndady.
«Biyl 1 sáýirde Úkimet qaýlysymen «Qoǵamda zań men tártip ideologiiasyn ilgeriletý jónindegi 2025 – 2030 jyldarǵa arnalǵan tujyrymdama» bekitilip, naqty mindetter belgilendi. Óńirimizde «Zań men Tártip» qaǵidasyn iske asyrýda oblys prokýrory Rizabek Kárimulymen birlesip keshendi sharalardy qolǵa alyp, jańa bastamalarǵa úzdiksiz qoldaý kórsetip kelemiz.
Quqyq qorǵaý organdarymen birlese júrgizilgen keshendi ári úilesimdi sharalardyń nátijesinde óńirimizde ahýal turaqty. Statistikalyq aqparattardy salystyrmaly túrde qarasaq, aimaqta 2015 jyly 6 myńǵa jýyq qylmys tirkelgen bolsa, naqty jumys nátijesinde bul kórsetkish 1158-ge deiin azaidy. Sońǵy úsh jylda quqyq buzýshylyq kórsetkishi edáýir qysqardy.
Búginde tirkelgen qylmystyq quqyq buzýshylyq sany boiynsha Qyzylorda oblysy respýblikadaǵy eń tómengi pozitsiiada, iaǵni 20 óńirdiń ishinde 19-shy oryndamyz. Bizdiń mindet – tek kórsetkishti ǵana emes, quqyq buzýshylyqty turaqty túrde tómendetý. Jol-kólik oqiǵalaryn azaitýda jol infraqurylymyn damytýǵa basymdyq berdik. Túrli gadjetter men smartfondaǵy baǵdarlamalar kómegimen jasalatyn alaiaqtyq, kibershabýyl shemalary sát saiyn ózgerip jańarýda. Qarjy piramidalary, lýdomaniia, internet býlling azamattardy qiyn jaǵdaida qaldyrýda.
Múddeli quqyq qorǵaý organdary qolda bar resýrstarmen shektelmei, qylmystyq áreketterge tosqaýyl qoiatyn jańa tetikterdi damytýy tiis. Osy baǵyttaǵy qylmystardy anyqtaýda jasandy intellektti paidalaný – ornyqty sheshimniń biri. Búgingi forým – bizdiń aldaǵy jumystarymyzdy jańa formatsiiada júrgizýge óz septigin tigizedi dep senemin», – dedi N.Nálibaev.
Basqosýda oblys prokýrorynyń orynbasary Nurbolat Dúisenbaev, Parlament Senatynyń depýtaty Naýryzbai Baiqadamov, memleket jáne qoǵam qairatkeri Orazkúl Asanǵazy, Parlament Májilisiniń depýtattary Murat Ábenov pen Abzal Quspan sóz sóilep, forým jumysyna sáttilik tiledi.
Quqyq buzýshylyqtardyń aldyn alýda erekshe belsendilik tanytyp, kiberkeńistiktegi zańsyz áreketterdiń jolyn kesýge úles qosqan mamandarǵa oblys ákiminiń syilyq sertifikattary men oblys prokýrorynyń Alǵys haty tabystaldy.
Sońǵy úsh jylda politsiia organdarynyń materialdyq-tehnikalyq bazasyn jaqsartýǵa oblystyq biýdjetten 8 mlrd.teńgege jýyq qarjy bólindi. Biyl bul maqsatqa 2 mlrd. 800 mln. teńge qaralyp, zamanaýi qurylǵylarmen, jabdyqtarmen qamtamasyz etilýde.
Respýblikada alǵashqy bolyp oblystyń barlyq aýdanynda politsiia bólimderiniń Jedel basqarý ortalyqtary ashyldy. Qaýipsizdikti kúsheitý, jedel áreket etý maqsatynda beinebaqylaý kameralarynyń jelisi kóbeitildi.
Barlyq aýdanǵa quny 2 mlrd. 200 mln. teńge bolatyn 539 beinebaqylaý, 49 jyldamdyq ólsheitin kamera ornatyldy. Sońǵy jyldary politsiia qyzmetkerlerine zamanýi qurylǵylarmen jabdyqtalǵan 128 jańa avtokólik tabystaldy.
Biyl taǵy 31 qyzmettik avtokólik tapsyrylyp, arnaiy qural-jabdyqtar kóbeimek. Bul maqsattaǵy jumystar aldaǵy ýaqytta da jalǵasyn tabady. Ashyqtyq qaǵidatyna sáikes qala, aýdandarda quqyq qorǵaý organdarynyń birinshi basshylarymen birge qoǵamdyq qabyldaýlar turaqty ótkizilip keledi. Bul óz kezeginde turǵyndardyń memlekettik organdarǵa degen senimdiligin arttyryp, ádiletti qoǵam qurýǵa tyń serpin bermek.
