Qyzylorda oblystyq máslihatynyń tóraǵasy Murat Tleýmbetovtiń qatysýymen Konstitýtsiialyq reformalarǵa arnalǵan kezdesý ótti, dep habarlaidy Dalanews.kz
Oǵan Qazaqstannyń Eńbek eri, Konstitýtsiialyq reforma jónindegi komissiianyń múshesi Imamzada Shaǵyrtaev, oblystyq qoǵamdyq keńes músheleri, biznes-qoǵamdastyqtar, úkimettik emes uiymdarynyń ókilderi qatysty.
Aldymen oblystyq máslihat tóraǵasy elimizdiń keleshegi, demokratiialyq, áleýmettik, quqyqtyq memleket retinde ornyǵýy eń aldymen Ata Zańnyń mazmuny men mańyzyna tikelei bailanysty ekenin atap ótip, birqatar mańyzdy ózgeristerge toqtaldy.
2026 jylǵy 21 qańtarda Konstitýtsiialyq komissiia quryldy. Osy komissiia quramynda Syr óńirinen oblys ákimi Nurlybek Mashbekuly Nálibaevtyń bolýy – aimaqqa degen senimniń, atqarylyp jatqan júieli jumystyń jáne onyń nátijesiniń joǵary baǵalanýynyń aiqyn kórinisi.
Sonymen qatar, komissiia quramyna Qazaqstannyń Eńbek eri Shaǵyrtaev Imamzada Qýanyshbaiuly jáne oblystyq máslihat tóraǵasy retinde men de qosyldym.
Bul ózgerister óz kezeginde halyq pen bilik arasyndaǵy bailanysty nyǵaityp, memlekettik basqarýdyń tiimdiligin arttyrýǵa baǵyttalǵan. Jańa Konstitýtsiia – bul jai ǵana zań emes. Bul – ádiletti qoǵamǵa, ashyq memleketke bastaityn jol.
Jalpy alǵanda, ulttyq qundylyqtar men eldiń ideialyq baǵdaryn Konstitýtsiianyń kirispesinde bekitý, adamnyń eń joǵary qundylyq retindegi mártebesin naqtylaý, jáne neke men otbasy institýtynyń Ata Zań deńgeiinde qorǵalatyny qýantady.
Bul konstitýtsiialyq reforma Qazaqstannyń turaqty damýyna, quqyq ústemdigine jáne ádiletti qoǵam qurýǵa berik negiz qalaidy, - dedi máslihat tóraǵasy Murat Tleýmbetov.
Jiynda sóz alǵan Qazaqstannyń Eńbek eri, Qyzylorda oblysynyń Qurmetti azamaty, Konstitýtsiialyq reforma jónindegi komissiianyń múshesi Imamzada Shaǵyrtaev, Qyzylorda oblystyq Qoǵamdyq keńesiniń tóraǵasy Sultanbek Táýipbaev konstitýtsiialyq reformalardyń mańyzdylyǵyn atap ótip, olardyń qoǵam ómirine oń yqpalyn tigizetinin, azamattar quqyqtarynyń kúsheietinin jáne memlekettik basqarýdyń ashyqtyǵy men tiimdiligin qamtamasyz etetinin jetkizdi.
Jiyn sońynda oblystyq máslihat tóraǵasy Murat Tleýmbetov jańa Konstitýtsiianyń eldiń birligi men turaqtylyǵyn, azamattardyń quqyqtary men bostandyqtaryn nyǵaitýǵa baǵyttalǵanyn atap ótip, atalǵan reformalarǵa qoldaý bildirý – árbir azamattyń ortaq jaýapkershiligi ekenin jetkizdi.
