Búgin QR Prezidenti Ákimshiligi Basshysynyń birinshi orynbasary Darhan Satybaldynyń tóraǵalyǵymen májilis ótip, oǵan oblys ákimi Nurlybek Nálibaev jáne jaýapty sala basshylary selektorlyq rejim arqyly qatysty,- dep habarlaidy Dalanews.kz
Kún tártibinde óńirlerde tsifrlandyrýdy damytý, «Taza Qazaqstan» respýblikalyq ekologiialyq baǵdarlamasyn iske asyrý, orman qoryna jáne eldi mekenderge aǵash otyrǵyzý máseleleri qaraldy.
«Aqyldy» qalalar etalondy standartyna sáikes Qyzylorda oblysynyń jol kartasy bekitilip, 6 baǵyt boiynsha 22 joba júzege asyrylýda. Atap aitqanda, «Beineanalitika elementteri bar beinekameralardyń jyl saiynǵy ulǵaiýy» jobasy boiynsha Qyzylorda qalasynyń aýmaǵynda 19 myń kamera ornatylǵan. Onyń 7 273-i politsiia departamentiniń jedel basqarý ortalyǵyna qosylǵan. «Sergek» jobasy boiynsha 100 beinebaqylaý kamerasy, 10 statsionarlyq jyldamdyq ólshegish bar. Memlekettik-jekemenshik áriptestik sheńberinde qala aýmaǵyna 1400 beinebaqylaý kamerasyn ornatý josparlanýda. Kamerada jasandy intellekt arqyly bet-álpetti taný fýnktsiiasy qarastyrylǵan.
Óńirdegi meditsinalyq uiymdar kompiýtermen, «Damý-Med» keshendi meditsinalyq aqparattyq júiesimen tolyq qamtylǵan. «Qalalyq avtoturaq keńistigin basqarý» jobasy 100 paiyz júzege asyrylǵan. Innovatsiialyq IT jobalardy qoldaý jáne damytý maqsatynda óńirlik tehnoparkterdiń uiymdastyrýymen byltyr 112 is-shara ótkizilip, 4383 adam qatysty. 2020 jyldan beri Qyzylorda qalasynda «109 – Biryńǵai bailanys ortalyǵynyń» jumysy jolǵa qoiylǵan.
«Taza Qazaqstan» respýblikalyq ekologiialyq baǵdarlamasy aiasynda sanitarlyq tazalyq, abattandyrý jáne turǵyndardyń ómir súrýine qolaily jaǵdai jasaý maqsatynda óńirlik jospar bekitilip, keshendi jumys júrgizilýde. Mekeme ǵimarattarynyń qasbetin, aýlalardaǵy balalar oiyn jáne sport alańdaryn, kóshelerdegi jaryqtandyrý men aialdamalardy árleýdiń, syrlaý, bezendirýdiń birkelki dizain kody bekitildi. Oblys ortalyǵynan bastap barlyq eldi mekendegi mekeme ǵimarattary, aýlalar, oiyn alańdary, aialdamalar, jaryq baǵanalary biryńǵai arhitektýralyq talaptarǵa sáikestendirildi.
Óńirde jyl saiyn «Úlgili eldi meken» konkýrsy ótkizilýde. Sońǵy eki jylda úzdik atanǵan eldimekenderge 48 arnaiy tehnika tabystaldy. Biyl da 19 tehnika jeńimpazdarǵa berilmek.
Ótken jyly kommýnaldyq jáne abattandyrýmekemelerine 106 arnaiy tehnika satyp alynyp, qazirel igiligine qyzmet etýde. «Taza Qazaqstan» onlainplatformasy boiynsha salalar bólinisine qarai bekitilgen operatorlar, moderatorlar men oryndaýshylar turǵyndardan kelip túsken ótinimder negizinde tiisti shara qabyldap, ýaqytyly jaýap berýde.
Memleket basshysynyń tapsyrmasyna sáikes oblysta orman ósirý kólemin ulǵaitýdyń 2021-2027 jyldarǵa arnalǵan keshendi jospary bekitilip, 903 myń gektar jerdiń topyraǵy zertteldi, jobalaý jumystary júrgizildi. Aral teńiziniń qurǵaǵan ultanyndaǵy 672 myń gektar alqapqa 2021-2024 jyldary ekpeler egildi. Biyl 428 myń gektardy ormandandyrý jumystary júrgizilmek.
