Qyzylorda oblysy boiynsha Sybailas jemqorlyqqa qarsy qyzmet oblystyq kásipkerlik jáne ónerkásip basqarmasynyń basshysyna qatysty sotqa deiingi tergeýdi aiaqtady. Bul týraly agenttiktiń baspasóz qyzmeti málim etti, dep habarlaidy Dalanews.kz.
“Ol ulynyń oqýyna aqy tóleý qajettiligi jáne dizeldi otynmen qamtamasyz etý týraly biznes ókilderine zańsyz nusqaýlar berý arqyly laýazymdyq ókilettikterin asyra paidalanǵany úshin kúdikke ilindi. Sonymen qatar, sheneýnik óńir kásiporyndarynyń suiytylǵan gazdyń tiisti kólemin alý quqyǵyn shekteý arqyly zańdy kásipkerlik qyzmetke kedergi keltirdi degen kúdik bar”, — delingen habarlamada.
Sottyń sanktsiiasymen kúdikti qamaýǵa alyndy. Qazirgi ýaqytta is prokýrorǵa jiberildi.
Tergeý múddesine sai, ózge aqparat jariia etilmeidi.
Eske salaiyq, búgin Sybailas jemqorlyqqa qarsy is-qimyl agenttik basshysy Ashat Jumaǵali jarty jyldyqtyń qorytyndysy boiynsha agenttiktiktiń atqarǵan jumysy týraly aitqan edi.
Agenttiktiń málimetinshe, biyl áleýmettik salada 95 jemqorlyq qylmys tirkelip, 58 adam áshkerelendi, 34 adam sottaldy.
Máselen, Jetisý oblysy boiynsha sybailas jemqorlyqqa qarsy qyzmet oblystyq eńbek jáne áleýmettik qorǵaý komiteti departamentiniń bólim basshysyna qatysty tergeýdi aiaqtady.
Ol múgedektikti uzartqany jáne taǵaiyndaǵany úshin 20-dan 50 myń teńgege deiingi mólsherde para aldy dep kúdiktelýde.
Qazirgi ýaqytta qylmystyq is sotqa jiberildi.
Sonymen qatar, osy jyldyń 11 shildesinde Astana qalasynyń qylmystyq ister jónindegi aýdanaralyq soty elordalyq meditsinalyq ortalyqtyń dárigeri Mákishevke qatysty úkim shyǵardy.
Ol naýqastan josparly hirýrgiialyq operatsiia jasaǵany úshin 500 myń teńge somasynda zańsyz materialdyq syiaqy alǵany úshin kináli dep tanyldy.
Úkim zańdy kúshine engen joq.
