قىزىلوردا وبلىسى بويىنشا سىبايلاس جەمقورلىققا قارسى قىزمەت وبلىستىق كەسٸپكەرلٸك جەنە ٶنەركەسٸپ باسقارماسىنىڭ باسشىسىنا قاتىستى سوتقا دەيٸنگٸ تەرگەۋدٸ اياقتادى. بۇل تۋرالى اگەنتتٸكتٸڭ باسپاسٶز قىزمەتٸ مەلٸم ەتتٸ, دەپ حابارلايدى Dalanews.kz.
“ول ۇلىنىڭ وقۋىنا اقى تٶلەۋ قاجەتتٸلٸگٸ جەنە ديزەلدٸ وتىنمەن قامتاماسىز ەتۋ تۋرالى بيزنەس ٶكٸلدەرٸنە زاڭسىز نۇسقاۋلار بەرۋ ارقىلى لاۋازىمدىق ٶكٸلەتتٸكتەرٸن اسىرا پايدالانعانى ٷشٸن كٷدٸككە ٸلٸندٸ. سونىمەن قاتار, شەنەۋنٸك ٶڭٸر كەسٸپورىندارىنىڭ سۇيىتىلعان گازدىڭ تيٸستٸ كٶلەمٸن الۋ قۇقىعىن شەكتەۋ ارقىلى زاڭدى كەسٸپكەرلٸك قىزمەتكە كەدەرگٸ كەلتٸردٸ دەگەن كٷدٸك بار”, — دەلٸنگەن حابارلامادا.
سوتتىڭ سانكتسيياسىمەن كٷدٸكتٸ قاماۋعا الىندى. قازٸرگٸ ۋاقىتتا ٸس پروكۋرورعا جٸبەرٸلدٸ.
تەرگەۋ مٷددەسٸنە ساي, ٶزگە اقپارات جارييا ەتٸلمەيدٸ.
ەسكە سالايىق, بٷگٸن سىبايلاس جەمقورلىققا قارسى ٸس-قيمىل اگەنتتٸك باسشىسى اسحات جۇماعالي جارتى جىلدىقتىڭ قورىتىندىسى بويىنشا اگەنتتٸكتٸكتٸڭ اتقارعان جۇمىسى تۋرالى ايتقان ەدٸ.
اگەنتتٸكتٸڭ مەلٸمەتٸنشە, بيىل ەلەۋمەتتٸك سالادا 95 جەمقورلىق قىلمىس تٸركەلٸپ, 58 ادام ەشكەرەلەندٸ, 34 ادام سوتتالدى.
مەسەلەن, جەتٸسۋ وبلىسى بويىنشا سىبايلاس جەمقورلىققا قارسى قىزمەت وبلىستىق ەڭبەك جەنە ەلەۋمەتتٸك قورعاۋ كوميتەتٸ دەپارتامەنتٸنٸڭ بٶلٸم باسشىسىنا قاتىستى تەرگەۋدٸ اياقتادى.
ول مٷگەدەكتٸكتٸ ۇزارتقانى جەنە تاعايىنداعانى ٷشٸن 20-دان 50 مىڭ تەڭگەگە دەيٸنگٸ مٶلشەردە پارا الدى دەپ كٷدٸكتەلۋدە.
قازٸرگٸ ۋاقىتتا قىلمىستىق ٸس سوتقا جٸبەرٸلدٸ.
سونىمەن قاتار, وسى جىلدىڭ 11 شٸلدەسٸندە استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتى ەلوردالىق مەديتسينالىق ورتالىقتىڭ دەرٸگەرٸ مەكٸشەۆكە قاتىستى ٷكٸم شىعاردى.
ول ناۋقاستان جوسپارلى حيرۋرگييالىق وپەراتسييا جاساعانى ٷشٸن 500 مىڭ تەڭگە سوماسىندا زاڭسىز ماتەريالدىق سىياقى العانى ٷشٸن كٸنەلٸ دەپ تانىلدى.
ٷكٸم زاڭدى كٷشٸنە ەنگەن جوق.
