Qyzylorda oblysynyń ákimi Nurlybek Nálibaevtyń tóraǵalyǵymen ótken májilistiń kún tártibinde jylý berý maýsymynyń qorytyndysy jáne aldaǵy jaýapty maýsymǵa daiyndyq, aýyz sýmen qamtamasyz etý máseleleri talqylandy. Oǵan qala, aýdan ákimderi, jaýapty sala basshylary qatysty, - dep habarlaidy Dalanews.kz
«Biýdjettik baǵdarlama ákimshileri jáne jylý-energiia nysandarynyń basshylary, 1 mamyrǵa deiin aldaǵy jylý berý maýsymyna daiyndyq jónindegi shtabtar quryp, is-shara josparyn bekitińizder. Áleýmettik nysandardy gazǵa kóshirýdiń joba-smetalyq qujattamalaryn 1 shildege deiin ázirleńizder. Qajetti kómir qoryn jasaqtaýdy shilde aiynan bastańyzdar. Suiyq jáne qatty otyn jetkizýshi merdigerlermen jasalǵan kelisim-sharttarda kórsetilgen baǵamen jetkizý boiynsha jumys jasańyzdar.
Qyzylorda qalasyndaǵy kópqabatty turǵyn úilerdi ystyq sýmen qamtýdyń ekinshi kezeńi sapaly júrgizilip, jylý berý maýsymyna deiin aiaqtalýy kerek.Memleket basshysy 2025 jyldyń sońyna deiin turǵyndardy 100 paiyz aýyz sýmen qamtýdy tapsyrǵany belgili. Ortalyqtandyrylǵan aýyz sý júiesine qosylmaǵan eldi mekenderdi qamtý úshin qajetti qarajat tolyq bólindi. Aral jáne Qazaly aýdandary ákimderi, aýyz sýmen qamtý jobalaryn merziminde jáne sapaly etip bitirińizder. Birlik, Aqtam eldi mekenderine sý tushytqysh ornatýdy tez arada aiaqtańyzdar», – dedi N.Nálibaev.
Aita ketý kerek, Memleket basshysynyń tapsyrmasyna sáikes ótken jyly Qyzylorda qalasyndaǵy 187 kópqabatty turǵyn úige ystyq sý jetkizýge Úkimet rezervinen 11 mlrd.teńge bólinip, birinshi kezeńdegi turǵyn úilerge qosyldy. Biyl qarjy tapshylyǵyna qaramastan, Úkimet rezervinen 5 mlrd. teńge bólindi. Buǵan qaladaǵy 61 úige ystyq sý tartylady.
