BAQ-ta taraǵan málimetter boıynsha, eki muǵalim qysqy kanıkýl kezinde Túrkıaǵa baryp, transvestıtterge arnalǵan klýbqa baryp, artynsha áleýmettik jelige vıdeony jarıalap jibergen.
Artynsha Jelide bul jaıtqa qatysty rezonans týyp, muǵalimder jumystan qýylǵan. Qyzylorda oblysynyń bilim basqarmasynyń baspasóz qyzmeti pikir bildirdi.
"Basqarmaǵa qarasty Qyzylorda oblysy, Qarmaqshy aýdanyndaǵy №250 mektep-lıseıinde jumys jasaǵan muǵalimder aqysyz demalys alǵan kúnderinen bólek, 2-5 jumys kúnderi aralyqtarynda belgisiz sebeptermen, eskertýsiz jumystan qalǵan. Sol sebepti QR Eńbek kodeksiniń 49 baby, 5 tarmaǵyna sáıkes óz aryzdarymen jumystan bosatylǵandyǵyn jetkizemiz", - delingen jaýapta.
