Eńbek erleri Táýelsizdik dep soqqan júrek tusyna otarshyldyq simvoly – Qyzyl juldyzdy qalai taǵady?
“Aq jol” partiiasynyń depýtattyq bir saýaly Eńbek adamyn qurmetteý úshin Eńbek dańqy ordenin shyǵarý bolatyn. Aqjoldyqtardyń bul usynysy aqjoltai boldy – Úkimet birden qoldap shyǵa keldi. Aqyry, sonyń nátijesi – búgingi “Eńbek Dańqy” ordeni.
“Baqsam, baqa eken”-degendei, “Eńbek Dańqy” ordeniniń bekitilgen nusqasyn kórip, alyp ushqan kóńilimiz sý sepkendei basyldy. Táýelsiz Qazaqstannyń eńbek adamynyń tósine taǵylar orden – “Qyzyl juldyz” belgisi eken… Iá, keshegi elimizdi otarlaýshy Keńes Odaǵynyń Qyzyl juldyzy! Qyzyl qyrǵyndy jasaýshy Qyzyl Armiianyń Qyzyl juldyz emblemasy!
“Ájeptáýir án edi, pushyq shirkin búldirdi” -degendei, Prezident janyndaǵy memlekettik komissiia músheleri qaida qaraǵan? “Bul ne masqara?!-deitin quldyq sanadan qutylǵan bir adam tabylmaǵany ma? Komissiia tóraiymy – Memlekettik hatshy Gúlshara Əbdihalyqova hanym buǵan qalai jol berip otyr?
Erteń Eńbek erleri Táýelsizdik dep soqqan júrek tusyna otarshyldyq simvoly – Qyzyl juldyzdy qalai taǵady?
Túrli saladaǵy eńbek úzdikteri asa joǵary kórsetkishteri úshin nagradtalatyn «Eńbek Dańqy» ordeni úsh dárejeden turady. «Eńbek Dańqy» ordeniniń úsh dárejesiniń iegerleri mártebesi boiynsha «Qazaqstannyń Eńbek Eri» ataǵyna ie bolǵan adamdarǵa teńestiriledi. Mundai elimiz boiynsha erekshe mańyzdy ról atqaratyn marapattyń belgisin tańdaý úshin respýblikalyq konkýrs jariialaý kerek emes pe? Bir jyl ǵana bolatyn merekelerdiń
emblemalarynyń ózine baiqaý jariialap jatamyz, al Máńgilik Eldiń máńgilik marapaty bolmaq ordenimizdi ombai-dombailap jasai salǵanymyzdy qalai túsinemiz…
Eńbek adamynyń eńsesin ezetin “qyzyl juldyzdy ” qyzý eńbektiń aiqyn belgisi – berekeni kórsetetin belgilermen aýystyrý kerek dúr!
Qazybek ISA
qazaquni.kz
