Qaraǵandy zoobaǵynda afrikalyq savannalardyń jańa turǵyndary - gienalar men giena tárizdi itter paida boldy, dep habarlaidy Dalanews.kz.
Janýarlar aiyrbas baǵdarlamasy aiasynda Erevan qalasynan jetkizilgen.
Qazirgi ýaqytta olardyń beseýi de karantinde. Soǵan qaramastan, kelýshiler zoobaqtyń jańa turǵyndaryn kóre alady.
Jolaqty gienalar 2008 jyly Halyqaralyq Qyzyl kitapqa engizilgen. Qaraǵandyǵa eki urǵashy jáne bir erkek giena ákelingen. Al giena tárizdi itter - bir jup, iaǵni bir urǵashy men bir erkek. Olar úshin aldyn ala keń voler daiyndalyp, qorektený ratsiony da zerttelgen.
Kúndiz olar kóbine uiyqtaidy, al túnde belsendi bolady. Jańa turǵyndar jas ári deni saý, sondyqtan zoobaq ákimshiligi tóldeý bolýyn asyǵa kútip otyr. Bul janýarlar mysyqtárizdiler tuqymdasyna jatady jáne Afrikanyń savannalarynda mekendeidi.
